Հանա Բադալովան 5 տարեկան էր, երբ իր ընտանիքի հետ հայտնվեց Ամերիկայում: Նրանք 90-ականներին փախել էին Ադրբեջանից, 1980-1990-ականներին Ադրբեջանում տեղի ունեցող հայերի ցեղասպանությունից փրկվելու համար: Գրում է «Սիթի փեյփեր» պարբերականը՝ «Mr. Moccasin» խմբի անդամ Հանա Բադալովայի մասին պատրաստած նյութում:
Բադալովայի մայրը հայի և ռուսի խառնուրդ է. «Բայց նա ընդգծված հայկական հատկանիշներ ունի: Նա Շերին է նման, այնպես որ, նա իրոք առանձնանում էր ադրբեջանցիների մեջ», – ասում է նա:
«Մենք դեսուդեն էինք շրջում ու տուն չունեինք: Ես հիշում եմ Իտալիան 1989թ. Սուրբ ծնունդի ժամանակ, շուրջբոլորը լույսեր էին: Եվ հիշում եմ, որ հայրս փողոց էր վազում, որպեսզի լվանա ավտոմեքենաների պատուհանները: Մենք բացարձակ փող չունեինք: Սակայն նրանք ինչ-որ բան արեցին, որովհետև հիշում եմ, որ ծնողներս ինձ երկու նվեր տվեցին՝ սկյուռիկի նկարով ժակետ և կտկտացող կոշիկներ»,-պատմում է Հանան:
Պատմելով այս տարվա հունվարին խմբի թողարկած «Xana» ալբոմի մասին՝ Բադալովան ասում է, որ նա այնտեղ իր պատմությունն է պատմում. «Բայց տարօրինակ է, որովհետև այս մեկի մեջ ավելի քիչ է հնչում ռուսերենը, քան մեր նախորդ ալբոմների, երևի այն պատճառով, որ ես մոռացել եմ ռուսերեն բառերը»:
Կարդացեք նաև
Հանա Բադալովան իր ընկերոջ և խմբի մեկ այլ անդամ Ջարեդ Ֆիշերի հետ ապրում է Մերիլենդ նահանգի Բալթիմոր քաղաքում:
Պատրաստեց Հովհաննես ԻՇԽԱՆՅԱՆԸ
