Հայ Ազգային Կոնգրես կուսակցության հիմնադիր համագումարը կկայանա ապրիլի 13-ին,ոչ թե մարտի 22-ին, ինչպես հայտարարված էր նախօրոք։Այս մասին ասել է ՀԱԿ պատգամավոր Լեւոն Զուրաբյանը։
«Պատվիրակների ուղիղ կեսը կներկայացնի ՀՀՇ-ն, մյուս կեսը՝ նախաձեռնող խումբը՝ ներառելով բոլոր անկուսակցականներին, այլ կուսակցականների ու հասարակական կազմակերպությունների, նախաձեռնությունների ներկայացուցիչներին, ովքեր դիմել են ընդունվելու նոր կուսակցության մեջ»,-ilur.am-ին ասել է Լեւոն Զուրաբյանը։
Ըստ նոր ստեղծվելիք կուսակցությանը ցանկություն են հայտնել միանալ ՀՀՇ-ն, Հայոց հայրենիք կուսակցությունը, Ժողովրդի իշխանություն հասարակական-քաղաքական նախաձեռնությունը, տարբեր կուսակցությունների եւ հասարակական կազմակերպությունների (ինչպիսիք են, օրինակ՝ «Հիմա», «Հայաստանն առանց քաղբտարկյալների», Freedom Manifest, եւ այլն), բազմաթիվ ներկայացուցիչներ, ինչպես նաեւ՝ հազարավոր անկուսակցականներ:
Մանրամասն՝ կարդացեք այստեղ
