Այսօր «Արմատ» ակումբում քաղաքագետ Նարեկ Գալստյանը անդրադարձավ ՀՀ նախագահ Սերժ Սարգսյանի ռուսաստանյան այցին, հայ-ռուսական հարաբերություններին:
«Հայ-ռուսական հարաբերությունների լարվածության մասին հայտարարություններ միշտ էլ եղել են, լինում են, բայց հայ-ռուսական հարաբերություններում նկատելի է, որ Ռուսաստանն ավելի է մեծացնում իր տնտեսական ռեսուրսները, համագործակցությունն է մեծացել միջազգային կազմակերպությունների հետ, որոնց հետ համագործակցում է Հայաստանը եւ այլն»,-հավելեց Գալստյանը:
Քաղաքագետի մեկնաբանմամբ` ինչ վերաբերում է Սերժ Սարգսյանի այցին, ապա միջազգային պրակտիկայում ընդունված է նորընտիր նախագահին տալ խորհրդանշական նշանակություն: Գալստյանի խոսքով. «Այդ հանդիպման ընթացքում հավանաբար քննարկված հարցերի բնույթը բացի ավանդականից, ենթադրում եմ, որ շեշտադրում է եղել նաեւ տարածաշրջանային խնդիրներին, մասնավորապես քննարկված կլինի ռուս-վրացական հարաբերությունները, աբխազական երկաթգծի հարցը, ինչը կթեթեւացնի մեր առեւտրատնտեսական հարաբերությունները, նաեւ այլ հարցեր»:
Քննարկվե՞լ է արդյոք, գազի գնի հետ կապված հարցը, թե՞ ոչ` քաղաքագետը չկարողացավ կանխատեսումներ անել, քանի որ այն տնտեսագիտական բնույթի հարց է. «Ամենայն հավանականությամբ այս հարցը քննարկված կլինի, որ եթե անգամ թանկացում լինի, ապա շատ բարձր չլինի»:
Կարդացեք նաև
Եվա ՀԱԿՈԲՅԱՆ
