Վրաստանի հարցերով փորձագետ Ջոնի Մելիքյանն այսօր «Նոյյան տապան» ակումբում Վրաստանի պաշտպանության նախարար Իրակլի Ալաբանիի` Հայաստան կատարած այցի արդյունքների եւ հայ-վրացական հարաբերությունների մասին գրեթե ոչ մի փորձագիտական գնահատական չկարողացավ տալ:
Նա միայն վերաշարադրեց մամուլում արդեն տեղ գտած հրապարակումները Վրաստանի եւ Հայաստանի պաշտպանության նախարարների հանդիպումից եւ քննարկված հարցերից:
Լրագրողների դժգոհությանը, թե վերաշարադրել պետք չէ, այլ փորձագիտական գնահատականներ են պետք եւ հարցին, թե հանդիպումն ի՞նչ տողատակեր ու ուղերձ ուներ, փորձագետն ասաց. «Կային հարցեր, որոնք վերաբերում էին տարածաշրջանային անվտանգությանը, ավելի կոնկրետ` հակամարտություններին, որոնք չեն բարձրաձայնվել: Վրաստանը, նոր մոտեցում որդեգրելով տարածաշրջանային անվտանգության եւ հատուկ հարաբերություններին Հայաստանի եւ այլ երկրների հետ կապված, այցը նշանակում է, որ եւս եղան հարցեր, որոնք վերաբերում էին պաշտպանության ոլորտին, եւ վրացական կողմը ցույց տվեց իր հետաքրքրությունը այս տարածաշրջանում»:
Փորձագետը ասուլիսի վերջում փորձեց վերլուծել երկու նախարարների հանդիպումը, նաեւ հավելեց. «Քաղաքական մեսիջն այն էր, որ օդանավակայանի հետ կապված հայտարարություն արվեց` ճիշտ չէ ինքնաթիռները խփելը»:
Կարդացեք նաև
Արփինե ՍԻՄՈՆՅԱՆ
