Արթիկի գաղութի կալանավոր Արթուր Այվազյանը պատրաստվում է հրաժարվել ՀՀ քաղաքացիությունից
Երեկ ուշ ժամի Aravot.am-ը ահազանգ ստացավ այն մասին, որ 11 տարվա ազատազրկման դատապարտված Արթուր Այվազյանը հացադուլ է հայտարարել: Վերջինս եղել է ԱԺ պատգամավոր Առաքել Մովսիսյանի (հայտնի է «Շմայս» մականունով) եղբոր` «Ազատամարտիկների եւ կին վետերանների միություն» հասարակական կազմակերպության նախագահ Միհրան Մովսիսյանի թիկնապահը եւ մեղադրվել է Սամվել Ստեփանյանի (անվտանգության աշխատակից) սպանության գործով: Սակայն նա իրեն մեղավոր չի ճանաչում և համարում է քաղբանտարկյալ: Արթուր Այվազյանը, նա հայտնի է Մալախ մականունով, մի քանի ամիս է` վիճարկում է իր վաղաժամկետ ազատվելը` այսպիսով դատի տալով Արթիկ քրեակատարողական հիմնարկի վարչական հանձնաժողովին:
Մեզ տեղեկացրեցրին, որ վաղը՝ ժամը 15.30-ին նրա հերթական դատավարությունն է Շիրակի մարզի վարչական դատարանում, որտեղ կալանավորը պատրաստվում է հրաժարվել ՀՀ քաղաքացիությունից: Ըստ կալանավորների, նա չի կարող լինել քաղաքացի այն երկրում, որտեղ քաղաքացիներ են ՀՀ նախագահ Սերժ Սարգսյանն ու գլխավոր դատախազ Աղվան Հովսեփյանը: Վերջինս , կալանավորի ձևակերպմամբ, իրավական ահաբեկչություն է իրականացնում երկրում:
ՀՀ քրեակատարողական հիմնարկների մամուլի քարտուղար Գոռ Ղլեչյանը Aravot.am-ի հետ զրույցում հաստատեց մեր տեղեկությունը` նշելով, որ նա հացադուլ է սկսել երեկ երեկոյան ժամը 21.00-ից: Իսկ թե ինչու է կալանավորը հացադուլ հայտարարել, Գոռ Ղլեչյանը պարզաբանեց, որ նա չի ենթարկվում քրեակատարողական հիմնարկի օրինական պահանջներին, մասնավորապես՝ չի ուզում համազգեստ կրել, ու այդ պատճառով է հացադուլ հայտարարում, որը և նրա իրավունքն է:
Կարդացեք նաև
Նունե ԱՐԵՎՇԱՏՅԱՆ
մալախ, շուտով մնացածներն էլ են այդտեղ հայտնվելու,՝ ում որ նշեցիր: