«Հանգիստ կարելի է կազմալուծել Ազգային ժողովը, քանի որ նա ոչինչ չի անում՝ դարձել է մեծ կնիք, որը կնիքում է կառավարության որոշումները»,-այսօր լրագրողների հետ հանդիպման ժամանակ ներքաղաքական իրավիճակի մասին նշեց դիրիժոր Վարդան Հակոբյանը:
Նրա պնդմամբ մենք չունենք քաղաքական մշակույթ: Ազգային ժողովում նստածները միլիոնատերեր են, որոնք ոչինչ չեն անում: Անհրաժեշտ է նոր կառավարության մեջ զրոյից լուրջ հակակշիռներ ստեղծել.
«Մենք կամաց-կամաց վերածվում ենք մարդ պետության, մենք հանրապետություն չենք: Կեղծիքների քանականությունը շատ է անհանգստացնում մեզ: Այսօր հանգիստ դեմքի արտահայտությամբ ժողովրդին ասվում է սուտը: Ճշմարտությունը, ազնվությունը քաղաքական կատեգորիա պետք է լինեն»:
Քանդակագործ Վիգեն Ավետիսի համոզմամբ բռնի ուժով պահել որեւիցէ բան չի լինի.
Կարդացեք նաև
«Մենք թույլ ենք տվել կառուցել մի երկիր, որտեղ պատերազմի մասնակիցները թելադրեցին ապրելու իրենց ձեւը: Այսօր եկել է ստեղծագործ պետության ժամանակը: Մինչ այժմ կատարվել է ամեն ինչ անլրջորեն հատկապես արտաքին քաղաքականությունը»:
Քանդակագործի խոսքով՝ աշխարհագրական քարտեզից ՀՀ գնալով վերանում է, որպես դրսում ապրող հայ նա տեսնում է, որ ՀՀ դեսպանատները անգործության մեջ են.
«Առաջնահերթ է ակտիվացնել միջազգային հարաբերությունները՝ կշիռը որպես պետություն, եթե չավելանա, ապա ՀՀ մեծ վտանգի տակ կգտնվի: Երիտասարդների օգնությամբ երկիրը պետք է բարենորոգի ՀՀ նախագահը՝ Րաֆֆի Հովհաննիսյանը: Սոված ժողովրդի հետ նա իր նախագահությունը սկսում է սովով, ես ողջունում եմ այդ քայլը: Պետք է ցրել Ազգային ժողովը, որովհետեւ ընտրվածները միայն կաշառքով են»:
Անժելա ՇԱՀՈՒՄՅԱՆ
