1808թ.-ին Փարիզում տեղի ունեցավ մի դուել, որը մտավ պատմության մեջ` իր տարօրինակությամբ ու բացառիկությամբ: Երկու ֆրանսիացի երիտասարդներ պարզելու համար, թե ումն է լինելու գեղեցկադեմ օրիորդ Թիրեվին, որոշեցին մենամարտել դուելի տեսքով: Մենամարտի վայր ընտրեցին օդապարիկները: Երբ երիտասարդներն արդեն 990մ. բարձրության վրա էին, նրանք կանգնեցրին իրենց օդապարիկներն ու սկսեցին կրակել միմյանց վրա: Դուելի արդյունքում նրանցից մեկը զոհվեց, իսկ օրիորդի սիրտը բաժին հասավ հաղթողին:
1994թ.-ին ամերիկացի Աշրիտա Ֆուրմանին հաջողվել է իր հեծանվով դեպի ետ ուղղությամբ ընթանալ շուրջ 85,6 կիլոմետր:
Աֆրիկյան մի քանի երկրներում գարեջրի ամենատարածված տեսակը բանանի համով գարեջուրն է:
Աշխարհում ամենածանր լիմուզին ավտոմեքենան կշռում է 22,933 կիլոգրամ: Ավտոմեքենայի երկարությունը հասնում է 21,3 մետրի, իսկ լայնությունը` 4,1 մետրի:
Անդրանիկ Ջալալյան
