Նա կարդաց քաղաքացիներից ստացած նամակներից հատվածներ
«Մեր պայքարը սիրո պայքար է»,- այսօր Ազատության հրապարակում բացօթյա ասուլիսում հայտարարեց Րաֆֆի Հովհաննիսյանը եւ շնորհակալություն հայտնեց մարդկանց՝ զորակցության, յուրաքանչյուր մաղթանքի եւ անգամ քննադատության համար:
Նա վստահեցրեց, որ բարեւի հեղափոխությունը տանելու են անհուն հավատարմությամբ: Ով գալիս է հրապարակ լավատես, լիցքավորված, իրավատեր, ես միմիայն ձեզ ուժ եմ տալու եւ պահանջում եմ միեւնույնը ձեզանից: Թաց աչքերի ժամն Աստված է որոշում, իսկ մենք հիմա հաղթական ընթացքի մեջ ենք, եւ ամեն մեկը պայքարի իր համեստ բաժինը պիտի տանի, պայմանավորվեցի՞նք»:
Ցույց տալով իր նվերները՝ Րաֆֆի Հովհաննիսյանը շնորհակալություն հայտնեց՝ խաչ, Աստվածաշունչ, ծաղիկներ: Նա կարդաց նաեւ քաղաքացիներից մեկի նամակը, ըստ որի՝ հայ ժողովուրդը պայքարում է Րաֆֆի Հովհաննիսյանի շնորհիվ եւ նա պետք է դադարեցնի հացադուլը, չվնասի առողջությունը. «Եթե ձեզ որեւէ բան պատահի, հայը կհուսալքվի, կկորցնի իր պայքարելու ուժն ու եռանդը»: Ըստ Րաֆֆի Հովհաննիսյանի, սա չափազանցություն է, եւ ինքն ամեն ինչ անելու է, որ հուսալքության չտանի:
Կարդացեք նաև
Դերենիկ Դեմիրճյանի տուն- թանգարանից Կարինեն բերել է Դերենիկ Դեմիրճյանի «Հայը» պատմվածքը: Րաֆֆի Հովհաննիսյանը մեջբերում կարդաց. «Ոչինչ չեմ ուզում ձեզնից, ասում է նա իր նեղիչներին, ձեզ լինի ձեր լուծը, գնացեք ապրեք խաղաղ եւ երջանիկ: Եթե դուք սիրում եք կյանքը, ապա ես սիրում եմ կյանքից ավելի թանկ բանը՝ խաղաղությունը»: Րաֆֆի Հովհաննիսյանը նշեց, որ ազատությունն է այս պայքարի հիմքը, եւ դա իրացնելու են սիրով:
Հռիփսիմե ՋԵԲԵՋՅԱՆ
Իսկ ի՞նչ կարծիքի է այդ մասին Րաֆֆիին հացադուլով ընկերակցող սատանիստ Բայանդուրը…