Ասես ավանդույթ են դառնում պետական որոշ պաշտոնյաների, պատգամավորների, հայտնի և անհայտ գործարարների կողմից ճանապարհային երթևեկության կանոնների կոպիտ խախտումները։
Այսօր՝ մարտի 12-ին, Սայաթ Նովա պողոտայում ֆոտոլրագրող Գագիկ Շամշյանը լուսանկարների շարք է կատարել, թե ինչպես է Ազգային ժողովի ՕԵԿ-ական պատգամավոր Կարեն Բոթոյանին սպասարկող «Ռենջ Ռովեր» մակնիշի 023 ՕՕ 11 համարանիշի ավտոմեքենան 30 րոպեից ավել կայանվել 2-րդ շարքում, ինչը խոչընդոտ էր ստեղծում մյուս տրանսպորտային միջոցների երթևեկության համար։
Ըստ shamshyan.com-ի Ճանապարհային ոստիկանությունը ոչ միայն վարչական պատասխանատվության կենթարկի պատգամավորի օրինախախտ վարորդին, այլև կհորդորի պատգամավորին, որպեսզի վերջինս հարգի իր իսկ կողմից ընդունված օրենքը, այն է՝ չպետք է խախտել ճանապարհային երթևեկության կանոնները։
Լուսանկարները՝ Գագիկ Շամշյանի
