«Ամենամեծ ֆինանսական կարողությունները խորհրդարանում ունի ԲՀԿ խմբակցությունը: Այս խմբակցության 36 պատգամավորները միասին, ընդհանուր առմամբ, հայտարարագրել են 98,1 միլիոն դոլար»,- այսօր «Մեդիա կենտրոնում» ասաց «Մանդատ» տեղեկատվական հասարակական կազմակերպության «ԱԺ օրենսդրական գործունեության մոնիթորինգ» ծրագրի ղեկավար Լուսինե Վասիլյանը՝ առանձնացնելով 5-րդ գումարման ԱԺ խմբակցությունների ֆինանսական հնարավորույթունները ըստ ԿԸՀ ներկայացրած հայտարարագրերի:
2-րդ տեղում ՀՀԿ-ական պատգամավորների հայտարարագրած դրամական միջոցներն են՝ 70 պատգամավորը միասին՝ 35,7 միլիոն դոլար:
ՀՅԴ խմբակցության պատգամավորները՝ 537.677 դոլար, ՕԵԿ խմբակցության պատգամավորները՝ 234.565 դոլար, ՀԱԿ-ը՝ 169.275 հազար դոլար: «Ժառանգության» 5 պատգամավորների հայտարարագրած ֆինանսական միջոցները ամենահամեստն են ՝ 118 800 դոլար:
Խորհրդարանում 20 միլիոնատեր պատգամավոր կա, որոնք ավելի քան մեկ միլիոն դոլար կարողություն են հայտարարագրել: Առաջին հնգյակում 4-ը ԲՀԿ-ից են՝ Գագիկ Ծառուկյան, Գուրգեն Արսենյան, Վահան Կարապետյան, Գրիգորի Մարգարյան, իսկ ՀՀԿ-կան Սամվել Ալեքսանյանը իր կարողություններով զիջում է միայն Գ. Ծառուկյանին:
Կարդացեք նաև
Արփինե ՍԻՄՈՆՅԱՆ
