ՀՖՖ պաշտոնական կայքէջը տեղեկացնում է, որ ՈՒԵՖԱ-ի նախագահ Միշել Պլատինին ծննդյան 50-ամյակի կապակցությամբ (մարտի 9-ին) շնորհավորել է Հայաստանի ֆուտբոլի ֆեդերացիայի նախագահ Ռուբեն Հայրապետյանին:
Պլատինին, մասնավորապես գրել է. «Հարգարժան Ռուբեն, իմ ջերմագին շնորհավորանքներն եմ հղում քեզ ծննդյանդ 50-ամյակի կապակցությամբ: Ցանկանում եմ առողջություն, մեծ եռանդ ու նորանոր հաջողություններ թե կյանքում, թե գործում: Հայկական ֆուտբոլի վերջին տարիների ակնհայտ զարգացումը քո գործունեության եւ անդադար ջանքերի անվիճելի հաստատումն է: Օգտվելով առիթից, այսօր քեզ մաղթում եմ նոր ֆուտբոլային հաղթանակներ 2014 թ. աշխարհի առաջնության որակավորման գալիք փուլում: Մեկ անգամ եւս ընդունիր խնդրում եմ իմ լավագույն շնորհավորանքները այս գեղեցիկ օրվա առթիվ»:
Աշոտ ՀԱԿՈԲՅԱՆ
