Այսօր «Բարեւի» շարժման ակտիվիստ Իզաբելա Աբգարյանը «Հայելի» ակումբում անդրադառնալով իշխանությանը՝ ասաց, որ մարդիկ նրանցից սպասում են կոնկրետ քայլեր եւ հարցրեց՝ արդյոք իշխանությունն ուզո՞ւմ է, որ մարդիկ գնան գրոհի:
«ԱԺ-ն չի արտացոլում մեծամասնության կարծիքը»,-համոզված է Աբգարյանը:
«Ինձ մոտ տպավորություն է, որ ՀՀԿ-ն վրեժ է լուծում ժողովրդից, քանի որ չի ստացել իր ուզած ձայները»,-նշեց նա:
Մեկնաբանելով Րաֆֆի Հովհաննիսյանի հնչեցրած այն արտահայտությունները, թե «այստեղ այս հրապարակում իշխանությունը պետք է հանձնվի ժողովրդին», ինչպես նաեւ «միայն իմ դիակի վրայով…»՝ Աբգարյանն ասաց, որ պարոն Հովհաննիսյանի այդ արտահայտությունը ուղղակի նշանակում է հասնել արդարությանը կյանքի գնով. «Սա շանտաժ չէ, կոնկրետ զգուշացում է, մարտահրավեր եւ կոնկրետ դրված պայման: Իսկ առաջին արտահայտությունը նշանակում է՝ իշխանությունը պետք է վայր դնի մանդատները, նշանակում է ունենալ նոր կառավարություն, որի անդամները վստահություն կներշնչեն, ինչպես նաեւ ունենալ նոր մարզպետներ: Եվ ունենալով երկրի նախագահ՝ նա վստահություն կներշնչի ժողովրդին եւ նրա հետ կկապվեն բոլոր հույսերը»:
Կարդացեք նաև
Եվա ՀԱԿՈԲՅԱՆ
