Ի՞նչ կլինի վերջում. եթե ոչ բոլորին, ապա շատ շատերին անակնկալի բերեց «Առավոտ երիտասարդականի» օրվա «տարօրինակ» հարցը:
«Ի՞նչ կա, որ ինչ էլ լինի», – այսպես պատասխանեց Լիլիթը, Կարինեն էլ ետ չմնաց. «Պետք է որ լավ լինի»:
Սամվելը երկար մտածեց-մտածեց ու ասաց. «Եթե համարենք, որ սա դեռ սկիզբնա, ուրեմն վերջը մեջտեղից շուտա գալու»:
«Խիմենեսը կսպանի Թերեզային», – ծիծաղում է Արփինեն:
«Վերջում կմնա հայը ու մեկ ա՝ իրան բան չի լինի», – համոզված է Նարեկը 🙂
Ալինան սկզբում հարցից զարմացավ, սկսեց մտածել, ապա կարծես գտավ հարցի պատասխանն ու ասաց. «Մարդիկ չեն հասկանում՝ ինչ է պետք անել և ինչ՝ ոչ, գնում են ձեռքները վեր պարզած և հանուն ինչի՞…. Չեն կարողանում հասկանալ, թե ինչ է պետք իրենց… չգիտեմ է», իսկ թե այս պատասխանը որքանով էր տեղին հարցիս համար՝ դատեք ինքներդ:
«Վերջում դեվը կուտի հային, թուրքին ու վրացուն», – ասում է Սուսաննան:
Արմենն էլ կարծում է. «Վերջում ամեն ինչ ավելի լավ կլինի, քան սկզբում էր»:
Խենթ եղեք՝ դա օգնում է ավելի հյութեղ դարձնել կյանքը:
Տիգրանուհի Թասլակյան
