Գուրգեն Եղիազարյանը պարզաբանում է, թե ինչու սկսեց քննադատել Րաֆֆի Հովհաննիսյանին
Այսօր «Հայելի» ակումբում լրագրողները ՍԴՀԿ անդամ Գուրգեն Եղիազարյանից հետաքրքրվեցին, թե ինչպե՞ս կմեկնաբանի այն, որ նախընտրական շրջանում կանխատեսել էր, որ Րաֆֆի Հովհաննիսյանը սուսուփուս շնորհավորելու է Սերժ Սարգսյանին, ինչը չեղավ: Գուրգեն Եղիազարյանը պատասխանեց. «Ամենեւին չի փոխվել իմ կանխատեսումը: Ես հայտարարել եմ, որ լինելու է Րաֆֆի Հովհաննիսյանը երկրորդ տեղում: Երկրորդ եւ երրորդ տեղերը նրա համար են, որպեսզի շնորհավորեն Սերժ Սարգսյանին: Իմ ասածը եղավ, գնաց էնտեղ, բանակցություններ վարեց, եթե բանակցությունները չմտնեին փակուղի՝ կշնորհավորեր»:
Անդրադառնալով Րաֆֆի Հովհաննիսյանին քննադատելուն՝ Գուրգեն Եղիազարյանը պարզաբանեց. «Ես ինչի՞ սկսեցի քննադատել Րաֆֆի Հովհաննիսյանին, որովհետեւ ուր գնում էր՝ սկսում եւ ավարտում էր հանդիպումը մեզանով ու Մարտի 1-ով: Ամսի 1-ին՝ ժամը 11-ից երբ դիակները իշխանությունները թաքցնում էին, ես «Ժառանգությանը» ոչ մի անգամ չեմ տեսել: Րաֆֆի Հովհաննիսյանը հատարարում է, որ ոստիկանությունը կանգնել է մեր եւ զորքի միջեւ, թույլ չի տվել, որ երկու կողմից զոհ տան: Ես ասում եմ, որ էս ամեն ինչը սուտ է»:
Հռիփսիմե ՋԵԲԵՋՅԱՆ
Հետաքաքրքիր է ով հայտնագործեց այս դեղին էջերի հերոսին.