Ադրբեջանի ոստիկանությունը ռետինե մահակներով եւ ջրցան մեքենաներով ցրել է Բաքվում սկսված ցույցը, որի հարյուրավոր մասնակիցներ բողոքում էին զինված ուժերում տեղի ունեցող բռնությունների դեմ
Բողոքի ցույցերի ալիքն այստեղ բարձրացավ Ջեյհուն Գուբադովի հանկարծակի մահից հետո։ Շարքային զինվորականը մահացել էր հունվարի 7-ին, զինվորական զորանոցներից մեկում։ Երկրի պաշտպանության նախարարությունը նախապես հայտարարել էր, թե մահը վրա է հասել սրտի կաթվածի պատճառով, սակայն նրա ընտանիքի անդամները հավատացած են, որ նրան սպանել են։ Այժմ այս գործով 4 զինվորական ձերբակալված է։
Կիրակի օրն անցկացված ցույցին մասնակցում էր ավելի քան 5ՕՕ մարդ, որոնք բացականչում էին ՝՝Բանակում ոչ մի մահ՛՛ բառերը։ Բաքվի ընդդիմության երիտասարդ ակտիվիստները ցույցը կազմակերպել էին Facebook-ի միջոցով։
Արեւմտյան երկրների կառավարությունները ու մարդու իրավունքների պաշտպան խմբերը դատապարտում են Ադրբեջանի նախագահ Իլհամ Ալիեւին՝ այստեղ ընտրությունների արդյունքները կեղծելու եւ այլախոհության դեմ բռնություններ կիրառելու մեջ։ Իսկ նավթային հսկա պաշարները կիրառելով՝ Ադրբեջանը շարունակում է ավելացնել ռազմական բնագավառում իր ծախսումները, արտասահմանյան լրատվական գործակալությունների համաձայն, ՝՝հարեւան Հայաստանին իր հզորությունը ցուցադրելու նպատակով՛՛։
Կարդացեք նաև
Սակայն փորձագետները, ըստ նույն լրատվամիջոցների, ասում են, թե Ադրբեջանի բանակը դեռեւս թույլ է եւ ունի նորացվելու կարիք։
