Տիգրան Խզմալյանը համոզված է, որ այդպես ԱԺ-ից կմնա «մկների ժողովը»
Տիգրան Խզմալյանն այսօր Ազատության հրապարակում նշեց, որ այս պայքարը Րաֆֆիի եւ Սերժի պայքարը չէ. «Մենք չգիտեի՞նք, որ կեղծելու են ընտրությունները, գիտեինք: Բայց իրենք համոզված էին, որ այս 15-20 տարվա մեջ մենք ստրուկ ենք դարձել: Իրենք սխալվեցին, մենք ստրուկ չենք:
Մենք իշխանությանը դիմում ենք խնդրանքով՝ թողեք, հեռացեք, չե՜ն հեռանա: Մեր տուն գողեր են մտել: Գողերին չեն խնդրում, հեռացնում են»:
Նա առաջարկեց առաջին հարվածը հասցնել օրենսդիր համակարգին. «Իշխանությունը 4 ոտի վրա է կանգնած, որից մեկը ընդդիմությունն է: Եթե Ազգային ժողով կոչված մկների ժողովից դուրս գան «Ժառանգություն», ՀԱԿ-ը, ՀՅԴ-ն, ո՞վ է մնալու այնտեղ: Այնտեղ մնալու է մկների ժողովը, այո՛: Դուրս գանք եւ տապալենք ԱԺ-ն, ստեղծենք այլընտրանքային իշխանություն: Ստեղծենք այլընտրանքային դատարան: Սահմանադրությունից բարձր մի բան կա՝ ժողովրդի իշխանությունը, որը հենց այստեղ է քվեարկվելու: Այլընտրանքային իշխանությունը չի նշանակում, որ մենք միայն Րաֆֆուն ենք դեմ տալու: Ոչ: Մենք իրեն ենք պաշտպանելու, որովհետեւ նա մեզ է պաշտպանում: Մեր պայքարը չի ունենալու վերջ: Մեր պայքարը ընթանալու է մինչեւ հաղթանակ»:
Կարդացեք նաև
Հռիփսիմե ՋԵԲԵՋՅԱՆ
Կեցցես,՝ շատ հարգելի Տիգրան Խզմալյան: