Մանուկ Գասպարյանի որդին՝ Արթուր Գասպարյանը քիչ առաջ ելույթ ունեցավ Ազատության հրապարակում: Նա ասաց. «Ի տարբերություն պարոն Րաֆֆիի, ես ՀՀԿ-ական պնակալեզներին չեմ հարգում: Ես ընտրակեղծարարներին չե՛մ հարգում: Մեկին եմ ուզում անդրադառնամ՝ Հովիկ Աբրահամյան. հլը մի սրա խելքին աշեցեք: Ուրեմն ասում ա՝ շուրջ 950 ընտրատեղամասերից Րաֆֆի Հովհաննիսյանը հաղթել է 73 համայնքներում: Եթե նույնիսկ 70 համայնքում ա հաղթել, ապա 70-րդ հարկից էլ ընկնես՝ մեկ ա, գլուխդ ջարդվելու ա: Չեմ ուզում մնացածին անդրադառնամ, զզվանքս գալիս է:
Կոչ եմ անում Գագիկ Հարությունյանին, որ մարտի 23-ին գնալու ես թոշակի, վերջին անգամ տղամարդավարի որոշում կայացրու, որ էս ժողովուրդը թոթափվի էս լծից, էս տզրուկներից՝ իրա պարանոցի վրայից: Էս մեր մենթալիտետը չի: Րաֆֆին ա մերը,որովհետեւ եկել ա ինտեգրվել ա մեր հասարակության մեջ, ոչ թե եկել ա, ուզում ա հասարակությունը ինտեգրի իրան: Նատաշայի ասած, նախորդ բանախոսի բոլոր բառերի տակ կստորագրեմ, որովհետեւ ով եկել ա, ինքը պետք է ինտեգրվի մեջ, չէ՝ վոն ատսյուդա»:
Նա նաեւ վստահեցրեց, որ ՀՀԿ-ականների կանայք իրենց ամուսիններին աշխատանքի ուղարկելուց առաջ նրանց ողնաշարը պահարաններում են պահում, քանի որ այս իշխանությանը ողնաշարով աշխատող պետք չէ:
Հռիփսիմե ՋԵԲԵՋՅԱՆ
