Ամերիկացի հետազոտողները պարզել են, որ Facebook սոցիալական ցանցը երիտասարդության շրջանում այլևս ամենատարածվածը չէ: «Մենք համարում ենք, որ մեր օգտատերերից ոմանք, հատկապես երիտասարդները, ավելի հաճախ են օգտվում այլ ծառայություններից, որոնք նման են Facebook-ին: Օրինակ` մենք կարծում ենք, որ մեր օգտատերերից ոմանք դադարեցրել են իրենց համագործակցությունը Facebook-ի հետ, հօգուտ՝ Instagram-ի», – նշել է սոցցանցի ներկայացուցիչը:
Չնայած Instagram-ի՝ Facebook-ից առաջ անցնելուն, այնուամենայնիվ Facebook-ում փոփոխությունները շարունակվում են: Սոցցանցը ներկայացրել է լրահոսի դիզայնի նոր ձևաչափը, որը թույլ է տալիս օգտատիրոջը կարգավորել իրեն եկող լուրերը, այս մասին հայտնել է Facebook-ի հիմնադիր և տնօրեն Մարկ Ցուկենբերգը: «Մենք ցանկանում էինք յուրաքանչյուր օգտատիրոջը տրամադրել լավագույն թերթը, և այն պետք է տարբեր պարունակություն ունենա», – նշել է հիմնադիր տնօրենը:
Ֆրանսիայում շահագործման է հանձնվել ամենաարագ ինտերնետ կապը աշխարհում, որի օպտիկամանրաթելային մալուխի երկարությունը հասնում է 450 կմ-ի, որը միացրել է Փարիզը և Լիոնը, այս մասին գրել է Վարդան Պետրոսյանն՝ իր բլոգում, նոր տեխնոլոգիան ապահովում է տվյալների փոխանցումը մինչև 400 գիգաբայթ/վայրկյանում արագությամբ: Այն մեկ վարկյանում կարող է փոխանցել շուրջ 17 տերաբիթ թրաֆիկ: Այսպիսով, նախկին մաքսիմալ ինտերնետ կապից այս ինտերնետ կապի արագությունը կրկնապատկվել է 4 անգամ: Նման հրաշք ինտերնետ կապը հասանելի կլինի Orange պրովայդերի հաճախորդներին, որը պատկանում է հանրաճանաչ «France Telecom» ընկերությանը:
Վատ լուր Picasa-ից օգտվողների համար. Google-ի բոլոր ծառայությունները լեգենդար լուսանկարների Picasa ինտերնետ պահեստարանի օգտատերերին սկսել է ուղղորդել դեպի Google + սոցցանցի ֆոտոալբոմների էջ՝ այն հայտարարելով «լուսանկարների համար նոր տուն», այս մասին հաղորդագրությունը հայտնվել է Google Operating System բլոգում:
Տիգրանուհի Թասլակյան
