ԱԺ ՀԱԿ խմբակցության պատգամավոր Լյուդմիլա Սարգսյանը պարզաբանում է՝ ինչու ՀԱԿ-ը չի մասնակցել ընդդիմության հավաքին
«Ես կուզեի, որ վաղը իսկապես բեկումնային հայտարարություն արվեր, եւ Րաֆֆի Հովհաննիսյանը չկրկնվեր: Դուք հարցնում եք՝ ինչու չենք միանում: Երբ հստակություն կմտնի, ու Րաֆֆի Հովհաննիսյանը հաջորդաբար չի կրկնի այն, ինչ ասել է արդեն մոտ 20 օր, եւ տեսանելի կլինի առաջխաղացումը, ՀԱԿ-ը միշտ ժողովրդի կողքին է», – Aravot.am-ին ասաց ԱԺ ՀԱԿ խմբակցության պատգամավոր Լյուդմիլա Սարգսյանը՝ պարզաբանելով, թե ինչու չեն մասնակցել երեկ ՀՅԴ-ԲՀԿ-Ժառանգություն հավաքին:
Տիկին Սարգսյանը երեկվա հանդիպմանը ՀԱԿ-ի չմասնակցելու վերաբերյալ նաեւ հավելեց. «Արդեն կազմակերպիչը պետք է ասի՝ ինչու ՀԱԿ-ը ներկա չի եղել: Չեմ կարծում՝ ՀԱԿ-ի հետ կապված ինչ-որ խնդիր կա, այսինքն մասնակցության ցանկությունից հրաժարվելու խնդիր չեմ տեսնում»:
Մեր հարցին՝ այսինքն ՀԱԿ-ին չէ՞ին հրավիել, ՀԱԿ պատգամավորն ասաց՝ տեղյակ չեմ. «Չեմ կարծում, որ նման հանդիպումից ՀԱԿ-ը խուսափում է»:
Կարդացեք նաև
ՀԱԿ-Ժառանգություն կոնսուլտացիաների մասին, տիկին Սարգսյանը չմանրամասնեց. «Ավելի կոնկրետ պատասխան չունեմ»:
Ներքաղաքական զարգացումներին անդրադառնալով՝ տիկին Սարգսյանը նաեւ հավելեց. «Երբ չգիտես, թե այս ամեն ինչը ինչ հանգրվանի է բերելու, ես կարծում եմ ակտիվ դերակատարություն ստանձնելը առնվազն սխալ է… դիտում ենք ընդհանուր գործընթացները, իսկ ո՞վ ասաց, որ ամեն ինչի մեջ պետք է լինենք, կարող ենք միանալ այն պահին, երբ տեսնենք դրական տեղաշարժ կա, ու կարող է դա հանգեցնել որոշակի արդյունքների»:
Արփինե ՍԻՄՈՆՅԱՆ
