Նա կարծում է, որ տիկին Արմենուհին «սխալ հաշվարկ» է արել՝ իր հետ է ամուսնացել
«Իմ մեծ պատիվը, իմ սերը, իմ ճակատագիրը, մի աղջիկ, որ Երեւանում՝ Վարդաշենում ծնվել է, ազատություն էր ուզում… չգիտեմ, էս աղջիկը սխալ հաշվարկ արեց, ինձ հետ ամուսնացավ: Ինքն ուզում էր ծովեզերքի վրա ման գալ, բայց թարսի պես ինձ հետ ամուսնացավ եւ հիմա այստեղ է»,-այսօր Ազատության հրապարակում կնոջը՝ տիկին Արմենուհուն այսպես ներկայացրեց Րաֆֆի Հովհաննիսյանը: «Ինչ անի, յոլա պիտի տանի»,- գոռացին հանրահավաքի մասնակիցները:
Տիկին Արմենուհին բարեւեց եւ ասաց, որ այդ բարեւը փշոտ է. «Երանի, որ սերը կհաղթեր ատելությանը, ճիշտը կեղծիքին, արժանապատվությունը՝ ստրկամտությանը: Երանի այդ օրը որ մենք մեր տունը կմաքրեինք: Եկել է այդ օրը: Այն սկիզբ առավ փետրվարի 18-ից: Յուրաքանչյուրս գնում ենք ինքնամաքրման եւ ինքնամաքառման, ինքնախոստովանման եւ ինքնագնահատման, գնում ենք սիրով ու հավատով, գնում ենք հպարտ ու հաղթական»:
Կարդացեք նաև
Հռիփսիմե ՋԵԲԵՋՅԱՆ
