Վրեժի պատճառը ծառայակցի կողմից նվաստացումն է
Հրազդան քաղաքի բնակիչ, 1992թ. ծնված Իգնատ Ենգիբարյանին մեղադրանք է առաջադրվել այն բանի համար, որ հանդիսանալով ժամկետային զինծառայող, զորամասի հրաձգային գումարտակի հրաձիգ, կոչումով շարքային, 2012 թ. փետրվարի 23-ին որպես դիտորդ նշանակված լինելով «Հակոբասար» մարտական հենակետի կրակակետում համածառայող Ա. Ադիբեկյանի կողմից իր նկատմամբ դրսեւորված նվաստացնող վերաբերմունքի համար վրեժխնդիր լինելու նպատակով լիցքավորել է իր հաստիքային «ԱԿՄ» ինքնաձիգը, դրա ապահովիչը դրել մենահատ կրակի ռեժիմում,աննկատ մոտեցել հարեւանությամբ գտնվող կրակակետին եւ մոտ 4 մ հեռավորությունից, առանց նշան բռնելու, մեկ փամփուշտ կրակել այդ կրակակետի քարաշեն պատի մոտ,իր նկատմամբ թիկունքով կանգնած Ա. Ադիբեկյանի գլխի շրջանում: Վերջինս ստացած հրազենային վնասվածքներից մահացել է: Ի. Ենգիբարյանը կալանավորված է , նրան մեղադրանք է առաջադրվել ՀՀ քրեական օրենսգրքի 104 հոդվածի 1-ին մասով(«Սպանություն»), նրան այդ հոդվածով սպառնում է 8-15 տարի ազատազրկում: Տավուշի մարզի առաջին ատյանի դատարանի Իջեւանի նստավայրում այս գործով դատավարության հերթական նիստը նշանակված է մարտի 13-ին:
Նույն դատարանում շարունակվում է նաեւ Վանաձոր քաղաքի բնակիչ, 1992թ. ծնված Վահե Սիմոնյանի դատավարությունը: Վերջինս մեղադրվում է այն բանում, որ հանդիսանալով ժամկետային զինծառայող, 2012թ. փետրվարի 23-ին, ժամը 07.45-ի սահմաններում «Հակոբասար» մարտական հենակետում ստորադասության հարաբերությունների բացակայության պայմաններում խախտել է զինծառայողների փոխհարաբերությունների կանոնագրքային կանոնները՝ քնից արթնացնելու կապակցությամբ հայհոյել ու բռնություն է գործադրել, ոտքով հարվածել է նույն հենակետում ծառայության նշանակված ժամկետային զինծառայող Իգնատ Ենգիբարյանին: Վահե Ներսիսյանին մեղադրանք է առաջադրված ՀՀ քրեական օրենսգրքի 359 հոդվածի 1-ին մասով( « Զինծառայողների փոխհարաբերությունների կանոնագրքային կանոնները խախտելը նրանց միջեւ ստորադասության հարաբերությունների բացակայության դեպքում»): Այդ հոդվածը նախատեսում է կալանք՝առավելագույնը 3 ամիս ժամկետով, կամ կարգապահական գումարտակում պահել՝ առավելագույնը 2 տարի ժամկետով կամ ազատազրկում՝ առավելագույնը 2 տարի ժամկետով: Վ. Ներսիսյանի նկատմամբ որպես խափանման միջոց է ընտրվել չհեռանալու մասին ստորագրությունը:
Կարդացեք նաև
Ոսկան Սարգսյան
