Սիրելի կանայք և աղջիկներ,
Ջերմորեն շնորհավորում եմ մայրության և գեղեցկության տոնի առթիվ: Կանանց գնահատելը հայերիս մոտ ավանդաբար համարվել է հայ ժողովրդին խորհրդանշող սովորույթներից մեկը:
Պատահական չէ՝ կանանց մեծարման տոնը հենց գարնան սկիզբին է լինում, որովհետև գարնանը բնությունը նոր կյանք է ստանում, իսկ կանայք էլ իրենց հերթին կյանք են պարգևում մեր մանուկներին՝ Հայաստանի ապագա մայրերին ու պաշտպաններին:
Հայ ժողովրդի ողջ պատմության ընթացքում բազմաթիվ են այն հերոսական դրվագները, երբ հայ կինը տղամարդկանց հետ հավասար պայքարել է Հայաստանի անկախության ու փայլուն ապագայի համար:
Կարդացեք նաև
Այսքանով հանդերձ, վստահ եմ, որ յուրաքանչյուր հայ կնոջ երազանքը ապահով հայրենիքում մայրանալ է՝ ներշնչվելով Հայոց հողից, Հայրենի բնությունից:
Աշխարհում դժվար է գտնել որևէ պետություն, որտեղ կանանց մեծարման միամսյակ լինի ու այդքան մեծ շուքով ու գարնանային խինդով նշվի այդ տոնը:
Սիրելի կանայք,
Միանալով ձեր բոլոր շնորհավորանքներին՝ մեր մայրերին, քույրերին, կանանց ու աղջիկներին մաղթում եմ գարնանային թարմություն, կանացի երջանկություն ու ընտանեկան ջերմություն:
