«Բարգավաճ Հայաստան » կուսակցության մոտեցումները, դիրքորոշումն այնքան էլ չեմ հասկանում: Քաղաքական դաշտում այլընտրանք լինելը շատ դժվար է, որովհետեւ քաղաքականության մեջ ճշգրիտ մոտեցումներն ավելի հեշտ են դարձնում աշխատանքը: Այսինքն, եթե դու կոնկրետ իշխանություն ես կամ ընդդիմություն, շատ ավելի քո քաղաքական կուրսը գիտես, շատ ավելի հստակ է: Ազգային ժողովում քվեարկությունների ժամանակ չէի ասի, որ ԲՀԿ- մեզ հետ չէ, որովհետեւ թե կառավարության թե ՀՀԿ պատգամավորների ներկայացրած օրինագծերում քվեարկությունը համրյա մեզ նման է իրականացվում»,- այսօր «Պոստ սկրիպտում» ակումբում Aravot.am-ի հարցին, թե ինչո՞ւ ԲՀԿ առաջնորդ Գագիկ Ծառուկյանը դեռ չի շտապում շնորհավորել Սերժ Սարգսյանին ՀՀ նախագահ վերընտրվելու կապակցությամբ ասաց ՀՀԿ-ական պատգամավոր Կարինե Աճեմյանը:
Նրա խոսքերով, առանձին դեպքերում են միայն ԲՀԿ-ին ընդդիմադիր ելույթներով տեսնում. «Առանձին դեպքերում ոչ ընդդիմադիր ելույթներ ենք տեսնում: Այս ոչ հստակ դիրքորոշումը առաջին հերթին նրանց է խանգարում»:
ԱԺ ԲՀԿ խմբակցության պատգամավոր Վահե Էնֆիաջյանն էլ հակադարձեց. «Դուք խոսակցությամբ մի փոքր շեղվեցիք բուն ընթացքից: ԲՀԿ-ն հստակ իր դիրքորոշումն ունեցել է թե խորհրդարանում, թե այլ ձեւաչափի գործունեության մեջ…»:
Արփինե ՍԻՄՈՆՅԱՆ
