«Ֆորումին մասնակցում էին 14 երկրների հոգեւորականներ, պառլամենտականներ, հասարակական եւ միջազգային կազմակերպություններ»,-այսօր լրագրողների հետ հանդիպման ժամանակ նշեց ՀՀԿ-ական պատգամավոր Մկրտիչ Մինասյանը:
Մարտի 2-5-ը Ստամբուլում կայացավ «Կրոնական համակեցությունը ժամանակակից ճգնաժամերի հաղթահարման միջոց» խորագրով ֆորում: Մասնակից երկրների՝ Հունաստանի, Կիպրոսի, Ռուսաստանի, Վրաստանի, Բուլղարիայի, Լեհաստանի, Ռումինիայի, Եգիպտոսի, Ղազախստանի կողքին նաեւ Հայաստանն էր:
Պրն. Մինասյանի խոսքով, թուրքերը նշեցին, որ իրենց կառավարությունը որոշում է ընդունել տեղահանման մասին, այլ ոչ թե ցեղասպանության, թուրքական հանրությունը պարտք ունի աշխարհին տալու.
«Թուրքերը շնորհակալություն հայտնեցին հայերից, քանի որ մենք տալիս ենք ճշգրիտ, բայց ոչ դաժան պատասխան իրենց քայլերին: Նրանց կառավարությունն ասում է, որ ժամանակն է, որպեսզի Թուրքիան վերանայի իր սահմանադրությունը եւ փոքրամասնությունները ունենան հավասար հնարավորություններ ու արտոնություններ»:
Կարդացեք նաև
ԲՀԿ-ական պատգամավոր Արագած Ախոյանի պնդմամբ մենք խիստ բառերով քննադատության ենք ենթարկել իշխանությունների վարչակարգը.
«Թուրքերը մեր եկեղեցիները վերածեցին մզկիթների, ախոռների, կինոթատրոնների եւ այլ վայրերի: Իշխանությունները փորձ են անում բռնապետությունից մեկ քայլ տեղափոխվել դեպի դեմոկրատ ճանապարհի: Եթե մարդիկ չկարողանան իրենց ազատության մասին խոսել, ապա տնտեսության զարգացման համար ոչ մի խոսք չի կարող լինել: Թուրքերի տնտեսության հիմնական հենասյունը հայերից զավթած հողերի եւ կառույցների հիման վրա է ստեղծված: Թուրք ազգի մի մասը Դինք սպանեց, իսկ մյուսը սգաց նրա մահը: Այսօր սգացողների թիվը օր օրի ավելանում է»:
Անժելա ՇԱՀՈՒՄՅԱՆ
