Մարտի չորրորդ շաբաթվա ընթացքում ԵԱՀԿ ՄԽ-ի համանախագահները կայցելեն Հայաստան եւ ԼՂ
Հայաստանի Հանրապետության ԱԳՆ-ում այսօր արտգործնախարար Էդվարդ Նալբանդյանի եւ Լիտվայի Հանրապետության արտաքին գործերի նախարար Լինաս Լինկյավիչյուսի համատեղ ասուլիսում Նալբանդյանը տեղեկացրեց, որ արդեն հայտնի է ԵԱՀԿ ՄԽ-ի հհամանախագահների`տարածաշրջան կատարելիք այցի ժամկետները եւ մարտի չորրորդ շաբաթվա ընթացքում նրանք կայցելեն Հայաստան եւ Լեռնային Ղարաբաղ:
Ռուսաստանի օդային դեսանտային զորքերի հրամանատար Վլադիմիր Շամանովը անցած ուրբաթ հայտարարել էր, որ անհրաժեշտության դեպքում օդային դեսանտային զորքերը որպես արագ արձագանքման ուժեր մարտական խնդիրներ կատարելու համար կարող են ուղարկվել Ռուսաստանի Դաշնության սահմաններից դուրս, մասնավորապես` Հարավային Օսիա, Աբխազիա եւ Հավաքական անվտանգության պայմանագրի կազմակերպության (ՀԱՊԿ) երկրներ։ Վերոնշյալ հայտարարությունը Հայաստանում քաղաքական ուժերի կողմից բավական սուր քննադատության արժանացավ:
Այսօր Aravot.am-ը Հայաստանի արտգործնախարար էդվարդ Նալբանդյանին խնդրեց մեկնաբանել Շամանովի` տարբեր շահարկումների առիթ հանդիսացած հայտարարությունը: «Այդ հայտարարության մեկնաբանության կարիք չկա, որովհետեւ պետք է նայենք այն որոշումները, որոնք ընդունվել են ՀԱՊԿ-ի շրջանակներում, որը առնչվում է ՀԱՊԿ երկրների միջեւ պայմանավորվածությանը: Համապատասխան փաստաթուղթ կա, դա որեւէ փակ փաստաթուղթ չի եւ այդ փաստաթուղթը պետք է դիտարկել որպես բաց փաստաթուղթ: Ինչ-որ նյուանսներ որեւէ մեկի հայտարարության մեջ` մեկ խոսք ավել կամ մեկ խոսք պակաս, որը բերում է ինչ-որ զգացմունքային մեկնաբանությունների, կարծեմ, ոչ պատճառ կա, ոչ էլ անհրաժեշտություն», հայտարարեց ՀՀ արտգործնախարար Նալբանդյանը:
Կարդացեք նաև
Էմմա ԳԱԲՐԻԵԼՅԱՆ
