Հայաստանի Հանրապետության ԱԳՆ-ում այսօր արտգործնախարար Էդվարդ Նալբանդյանի եւ Լիտվայի Հանրապետության արտաքին գործերի նախարար Լինաս Լինկյավիչյուսի համատեղ ասուլիսում Նալբանդյանը կարեւորեց հանդիպումը գործընկերոջ հետ եւ երկու երկրների իշխանությունների հետ հանդիպումները: Նա տեղեկացրեց, որ անդրադարձել են տարածաշրջանային խնդիրներին, ղարաբաղյան հիմնախնդրի խաղաղ կարգավորման հնարավորություններին:
Լինաս Լինկյավիչյուսը, ով նախկինում որպես ՊՆ նախարար էր այցելել, նշեց իր այցը եվրոպական ուղղության հետ է կապված, եւ արձանագրեց, որ Հայաստանը առաջընթաց է գրանցել Վիզաների դյուրացման, Ասոցացման քաղաքականության պայմանագրի շուրջ: Նա կարեւորեց Հայաստանի հետագա ընթացքը` հիմնելով ԵՄ-ի համար ընդունելի տարբերակի` կոնսեսուսի հիման վրա քաղաքական առաջընթացը: Հակամարտող կողմերը պետք է կենտրոնանան կոնկրետ հարցերի, օրինակ եվրոինտեգրման ուղղությամբ, նկատեց Լինաս Լինկյավիչյուսը:
«Մենք այս տարածաշրջանի վրա կենտրոնացնում ենք մեր ուշադրությունը, մեզ համար շատ կարեւոր է Արեւելյան գործընկերությունը, դուք պետք է շոշափելի առաջընթաց արձանագրենք մինչեւ ԵՄ գագաթնաժողովը, ավարտեք բարեփոխումներն ու բանակցությունները ազատ առեւտրի եւ ասոցացման քաղաքականության պայմանագրի շրջանակներում», հայտարարեց Լիտվայի Հանրապետության արտաքին գործերի նախարար Լինաս Լինկյավիչյուսը:
Էմմա ԳԱԲՐԻԵԼՅԱՆ
