Ավագանու անդամներից մեկի պարբերաբար բացակայության պատճառով կառավարությունը նոր ծախսեր եւ նոր ընտրություններ կկատարի
Գեղարքունիքի մարզի Դարանիկ գյուղում մոտ 40 օրից ավագանու արտահերթ ընտրություններ կլինեն: Այս մասին վաղը ՀՀ կառավարությունն իր հերթական նիստում որոշում կկայացնի: Համայնքի ավագանու անդամ Մամիկոն Կարապետյանը 1 տարվա ընթացքում նիստերի կեսից չի ներկայացել, ուստի նրա լիազորությունները վաղաժամկետ դադարեցվել են: 2011 թվականի մարտի 29-ին այս համայքնում ընտրվել են ավագանու ոչ թե 5 անդամ, ինչպես օրենքն է սահմանում, այլ` 3, իսկ այս 3 անդամներից մեկի` Մամիկոն Կարապետյանի պարբերաբար բացակայությունն էլ գուրմարած` ուղղակի անհնարին է դարձել համայնքի ավագանու հետագա նիստերի անցկացումը: Այս պատճառով էլ համայնքում արտահերթ ընտրություններ կնշանակվեն:
Այս մասին տեղեկանում ենք կառավարության նիստի օրակարգից:
Կարդացեք նաև
Նելլի ԲԱԲԱՅԱՆ
