Նա իր թիկունքում կանգնած մանուկներին «թիկնապահներ» անվանեց
Մարտի 6-ին Րաֆֆի Հովհաննիսյանը Նոյեմբերյան քաղաքում ողջունեց հավաքի մասնակիցներին՝ «Բարեւ Նոյեմբերյան, մեր հաղթանակը շնորհավոր լինի» եւ հավելեց. «Անգամ պաշտոնական տվյալներով ժողովուրդը՝ 52 տոկոս, իշխանությունը՝ 40, հասկացա՞ք՝ ինչ եք արել: Այդ լռությունն արդեն ինձ տալիս է ուժ, պետք չէ ոչ մի ծափ, ոչ մի կենաց: Նոյեմբերյանը՝ քաղաքով, սահմանով, գյուղերով խոսել է: Եվ ես պարտավոր եմ ձեզ հետ միասին այդ ձեր խոսքը, ձեր իրավունքը, ձեր ընտրությունը ոչ թե մինչեւ վերջ , այլ մինչեւ մեր երեխաների համար սկիզբ պաշտպանել, եւ չկասկածեք: Հիմա Կիրանցի կողքի գյուղը ո՞րն է, կարո՞ղ եք ասել, այնտեղ Առաքելոց վանք կա, գնացինք մի քիչ փոշոտ, ցեխոտ, ոտքով, կոշիկով : Աճարկուտից եկանք, Առաքելոց չհասանք, Սուրբ Մարիամը տեսանք ձախի վրա,բայց գիտեինք, որ ուշանում էինք, դրա համար միասին կգնանք Առաքելոց, ուխտ կանենք եւ մեր հաղթանակը կնշենք: Առաքելոց լինի, Սաղմսոնավանք, որտեղ որ լինի, հայ ժողովուրդը խոսել է, եւ ես դա գիտակցում եմ»:
Ր. Հովհաննիսյանն իր հետեւում կանգնած փոքրահասակ տղաներին կատակով ասաց՝ իրար թիկնապահ ենք այսօր:
Կարդացեք նաև
Ոսկան ՍԱՐԳՍՅԱՆ
