Վարդան Սեդրակյանի փաստաբան Ալեքսանդր Սիրունյանը Aravot.am-ի հետ զրուցում ասաց, որ նոր է եկել Վարդան Սեդրակյանի մոտից: Սիրունյանի փոխանցմամբ՝ արդեն դիմել են քննիչին, հանձնել միջնորդությունը, Վարդան Սեդրակյանի նկատմամբ կիրառված խափանման միջոցը` կալանքը փոխելու համար. «Կարծում եմ մեր միջնորդությունը կբավարարվի, եւ մեզ բոլոր հիմքերը կտրամադրեն: Իսկ այս պահին, անելիք դեռ չկա, քանի որ մենք չգիտենք, թե ինչից ենք պաշտպանվում: Այժմ մենք առաջնային խնդիր ունենք՝ դա վերաքննիչ բողոքը բերելն է, իսկ մնացածն արդեն հետո…»:
Սիրունյանը նաեւ հավելեց, որ Սեդրակյանը առայժմ ցուցմունք չի տալու:
Եվա ՀԱԿՈԲՅԱՆ
