Հախվերդյանը` Թանկյանի մասին
«Հորս արեւ` Սերժ Սարգսյանին ուղղված Սերժ Թանկյանի նամակը չեմ կարդացել, բայց Թանկյանը լավ, մտածող, ջահել տղա է: Կարծում եմ` հիմարություններ դուրս տված չի լինի»,-այսօր «Ուրբաթ» ակումբում ասաց երգիչ-երգահան Ռուբեն Հախվերդյանը:
Խոսելով ԱԺ պատգամավոր Շունշան Պետրոսյանի` արվեստագետ Վարդան Պետրոսյանի հասցեին հնչեցրած քննադատությունից, նա նշեց, որ Շուշան Պետրոսյանն իրավունք չունի Վարդան Պետրոսյանի անունը տալ. «Ես հիացմունք եմ հայտնում Վարդան Պետրոսյանի հանդեպ, ով կարողանում է երկու ժամ դահլիճ պահել»:
Ուսանողների հայտարարած դասադուլի վերաբերյալ Հախվերդյանը փաստեց, որ տեղյակ չէ, թե ով է ուսանողներին իրար դեմ հանել. «Ես «դեմ հանող» մարդ չեմ ճանաչում»:
Կարդացեք նաև
Երգահանի համոզմամբ. «Երիտասարդներն ասում են, որ երկիրն այլեւս ապրելու տեղ չի: Ժողովուրդը դիմացավ մութ ու ցուրտ տարիներին, որովհետեւ հույս ուներ, անգամ սեփականաշնորհման վայրիվերումներին դիմացավ: Դիմացավ նաեւ Քոչարյանին, թեեւ նա ավելի մոտ էր քաղաքական գործիչ լինելուն, բայց վերջում հարամեց ամեն ինչ: Ներկայումս մարդիկ չեն դիմանում համատարած քծնանքի մթնոլորտին եւ ստերին»:
Պարոն Հախվերդյանը նաեւ հայտնեց, որ առաջիկայում համերգով հանդես կգա Ֆիլհարմոնիկում եւ Mezzo ակումբում:
Լուիզա ՍՈՒՔԻԱՍՅԱՆ
«Հորս արեւ` Սերժ Սարգսյանին ուղղված Սերժ Թանկյանի նամակը չեմ կարդացել, բայց Թանկյանը լավ, մտածող, ջահել տղա է: Կարծում եմ` հիմարություններ դուրս տված չի լինի»
էս սուտը ինչի էք գրել? գոնե նաել ես ինչ ա ասում եդ մարդը? զոռով լրագրողի անունը գցում ես