Նա զգուշացնում է ԱԺ նախագահին, որ էլի՛ է գնալու Արտաշատ
«Լիսկայի հանգույն նաեւ պիտի գնանք Արտաշատ՝ հենց Աբրահամյանի մոտ, որովհետեւ այնտեղ ամենամեծ խախտումներն են եղել »,- այսօր Իջեւանում լրագրողների հետ ճեպազրույցում այսպիսի հայտարարություն արեց Րաֆֆի Հովհաննիսյանը:
Նա Հովիկ Աբրահամյանին հեռակա փոխանցեց, որ «Ե՛վ ինքը, ե՛ւ նրա բարեկամները պատասխան պիտի տան: Եթե նա ցանկանա, պարոն Սարգսյանն է դե ֆակտո գործող նախագահը՝ մինչեւ ապրիլի 9-ը: Եթե ինքը ասելիք ունի, թող գա հրապարակ, կամ էլ ես գնամ ժողովրդին պատկանող այն գրասենյակը, որտեղ նա նստում է մինչեւ ապրիլի 9-ը: Դրանից այն կողմ իմ միակ զրուցակիցը Հայաստանի ժողովուրդն է»:
Լրագրողները ճշտեցին՝ այսինքն Դուք դարձյա՞լ գնալու եք հանդիպման Սերժ Սարգսյանի հետ՝ նա պատասխանեց. «Եթե ինքը ասելիք ունի, ժողովրդի հաղթանակը պատրաստ է ճանաչել, համազգային այս տագնապը պատրաստ է լուծել, ես կլսեմ բոլորին: Իմ հաղորդակցության ուղիները բաց են բոլորի առջեւ: Ես կսպասեմ, բայց իմ պատասխանատվությունը հայ ժողովրդի եւ ՀՀ քաղաքացու առջեւ է: Շատ հստակ է, որ փետրվարի 18-ին ես պատասխանատվություն եմ կրում եւ հիասթափություն թույլ չեմ տալու ժողովրդի մոտ»:
Կարդացեք նաև
Հռիփսիմե ՋԵԲԵՋՅԱՆ
