Այսօր «Ելակետ» ակումբում Մարդու իրավունքների առաջին պաշտպան, ԱԺ «Ժառանգություն» խմբակցության նախկին պատգամավոր Լարիսա Ալավերդյանը ասաց, որ իշխանությունն այս էլ որերորդ անգամ ընտրություններում մեկ երրորդից ավելի ձայներ չի վերցնում:
Ալավերդյանը հիշելով 2008 թվականի մարտի 1-ի ողբերգական դեպքերը, ասաց. «Ես ինքս կյանքում չեմ ների նրանց, ովքեր խփեցին ու սպանեցին Տիգրանին, նա մեկ գլուխ բարձրահասակ էր մյուսներից, դրա համար նրան խփելը հեշտ էր…»: Ալավերդյանը նաեւ հավելեց, որ մինչեւ մեղավոր չճանաչվի այն անձը, ով դա արել է, ում կողմից հրահանգվել է` ուրեմն այդքան ժամամանակ մենք խնդիր կունենանք իշխանության հետ:
«Իշխանության համար այս կառավարությունից հրաժարվելը ավելի պատվաբեր կլինի: Ես կոչ եմ անում իշխանությանը, եկե’ք գնանք իրավական ճանապարհով»,-հավելեց Ալավերդյանը, նշելով, թե նա, ով իր վրա դրված խնդիրը չի կարողանում լուծել ու դրանում մեղադրում է ընդդիմությանը, ուրեմն չի կարողանում ճիշտ օգտագործել իր լծակները:
Եվա ՀԱԿՈԲՅԱՆ
