ՀՀ առողջապահության նախարար Դերենիկ Դումանյանն այսօր այցելեց «Գրացիա» միջազգային Կարմիր խաչի կենտրոնում բուժումը շարունակող ՀՀ նախագահի նախկին թեկնածու Պարույր Հայրիկյանին, հետաքրքրվեց նրա առողջական վիճակով։
Մասնագետները նախարարին ներկայացրեցին Պարույր Հայրիկյանի բուժման ընթացքը։ Բժիշկների հավաստմամբ վերջին մի քանի օրում ԱԻՄ առաջնորդի առողջական վիճակի դրական տեղաշարժ է արձանագրվում. ցավերը խիստ նվազել են, ձեռքի շարժողականության ֆունկցիան վերականգնվում է, ինչի
արդյունքում ընդհանուր ինքնազգացողությունը բարելավվում է։ Պարույր Հայրիկյանի վերականգնողական համալիր բուժումը շարունակվում է։
Նախարար Դումանյանը հանձնարարեց բուժման արդյունավետությունը բարձրացնելու նպատակով ըստ անհրաժեշտության ընդգրկել լրացուցիչ մասնագետներ, իրականացնել լրացուցիչ հետազոտություններ և դրանց արդյունքների մասին պարբերաբար տեղեկացնել իրեն։
Կարդացեք նաև
ՀՀ առողջապահության նախարարություն
