Հատված ԱԺ խմբակցության անդամ ԿԱՐԻՆԵ ԱՃԵՄՅԱՆԻ հարցազրույցից;
– Ի՞նչ երաշխիք ունի բողոքող քաղաքացին, որ առաջիկա հինգ տարիներին իշխանությունը դրական քայլեր կանի։ Չէ՞ որ նախորդ հնգամյակում զգալի տեղաշարժեր չեղան։
– Համամիտ չեմ, որ դրական փոփոխություններ չեն եղել։ Կարծում եմ՝ հսկայական փոփոխություններ են եղել։ Եթե համեմատենք հինգ տարի առաջվա ու հիմիկվա Հայաստանը, տարբերությունները շատ մեծ են։
– Կա ընդդիմադիր հատված, որն իր կյանքում այդ փոփոխությունը չի նկատել։
Կարդացեք նաև
– Որովհետև բոլոր ծրագրերը դեռ չենք իրականացրել։ Կրկին պիտի հիշեցնել ճգնաժամը, դրա վատ հետևանքները։ Այդուհանդերձ, ոչ թե փոփոխություն չի եղել, այլ պահանջներն են մեծացել։ Մարդկանց գիտեմ, որ շատ ավելի լավ են ապրում, բայց բողոքը շատ ավելի մեծ է։
Այս օրերին փոխվել է մթնոլորտը, դարձել է ավելի հանդուրժող, պայթյունավտանգ չէ։ Սա իշխանության ձևավորած մթնոլորտն է, որովհետև մեր նախագահն է առաջին հերթին տոլերանտ։ Որևէ դեպք չի եղել, երբ իրեն առաջարկվի երկխոսություն, և դա չքննարկվի։ Հիմա էլ իշխանությունը փորձում է եզրեր գտնել։ Ընդդիմությունը, ունենալով այսպիսի արդյունք, խոսում է իշխանափոխությունից, սա անընդունելի է։ Ավելին, ընդդիմության առաջնորդը հստակ չի կողմնորոշվել, կոչերը հստակ չեն, ծրագիր չունի։ Ընդդիմությունը պիտի շատ կողմնորոշված լինի, դիրքորոշումները որոշարկի։ Այսօր, ցավալիորեն, դեռ չի երևում, թե ընդդիմությունն ուր է տանում իր ընտրազանգվածին։
– Չի ընկալվում նաև այլընտրանք կոչվող ուժի՝ ԲՀԿ–ի, գործողությունների տրամաբանությունը։ Մեկ Լևոն Տեր–Պետրոսյանի հետ է «երկխոսվում», մեկ էլ՝ Րաֆֆի Հովհաննիսյանի։ Հիմա էլ հայտարարություն են անում, բայց մեջը հեչ «աղ» չկա։ Կոալիցիոն նախկին գործընկերոջ պահվածքը ՀՀԿ–ն ինչպե՞ս է մեկնաբանում։
– Ամենադժվարն այն ուժերի վիճակն է, ովքեր հստակ չեն ձևակերպել քաղաքական իրենց կուրսը։ Ինչքան էլ խոսենք այլընտրանքի մասին, քաղաքականությունը ճշգրտություն է սիրում։ Այս առումով ԲՀԿ-ի վիճակը դժվար է, քանի որ դեռևս մանևրում են։
Ռուզան ԽԱՉԱՏՐՅԱՆ
«Իրատես de facto»
