Այսօր Սահմանադրական դատարանում լսվեց ՀՀ նախագահի թեկնածու առաջադրված, բայց չգրանցված Նարինե Մկրտչյանի դիմումը:
Զեկուցողները երկուսն էին՝ ՀՀ ՍԴ անդամ Հրանտ Նազարյանն ու ՍԴ փոխնախագահ Վոլոդյա Հովհաննիսյանը:
Նարինե Մկրտչյանը վիճարկում էր ՀՀ ընտրական օրենսգրքի ընտրագրավին վերաբերող հոդվածների սահմանադրությանը համապատասխանելու հարցը: Հիշեցնենք, որ մինչ ՍԴ դիմելը, Նարինե Մկրտչյանը դիմել էր ՀՀ վարչական դատարան եւ մերժվել էր նրա հայցապահանջը: Եթե վարչական դատարանում Նարինե Մկրտչյանի շահերը ներկայացնում էր իրավաբան Կրեն Վարդանյանը, ապա բարձր դատարանում նրա ներկայացուցիչն էր Տիգրան Սարգսյանը:
Դիմումատուն գտել էր, որ ընտրագրավի 8 միլիոն չափը խտրականություն է թեկնածուների համար, եւ հակասահմանադրական է այն իմաստով, որ հակասում է սահմանադրության. «Յուրաքանչյուր մարդ կարող է ընտրել եւ ընտրվել» հոդվածին: Ըստ դիմումատու կողմի, փաստորեն, ով չունի 8 միլիոն դրամ, չի կարող ընտրվել, առաջադրվել:
Կարդացեք նաև
Դատական նիստը տեւեց կարճ, եւ դատարանը մտել է խորհրդակցական սենյակ որոշում կայացնելու:
