Եվրոպական հանձնաժողովի «իԹուինինգ» ցանցը, որը ինտերնետի միջոցով 33 երկրների 100 000 դպրոցների միջև կապ հաստատելու նպատակ ունի, այսօրվանից կգործի Հայաստանի, Ադրբեջանի, Վրաստանի, Մոլդովայի և Ուկրաինայի դպրոցներում, գրված է Եվրամիության պաշտոնական կայքում:
«իԹուինինգ պլյուս»-ի գործարկումը հնարավորություն կստեղծի երկրներին միանալ զանգվածային վիրտուալ դասարանների, որտեղ աշակերտներն ու ուսուցիչները կարող են ավելի շատ բան սովորել իրենց գործընկերներից և մասնակցել ինտերակտիվ նախագծերի, որոնց շեշտը, օրինակ, դրված կլինի լեզուների կամ մաթեմատիկայի վրա: Դա նաև այլ մշակույթներ և ավանդույթներ բացահայտելու հնարավորություն կտա պատանիներին, և գտնել, թե ինչ ընդհանրություններ ունեն նրանք մյուսների հետ:
«իԹուինինգ պլյուս»-ը ԵՄ Արևելյան գործընկերության փորձնական ծրագիր է: Նրա բյուջեն կազմում է 834 00 Եվրո: Երկրներին այդ գումարից բաշխվել է.
Հայաստան՝ 64 000 Եվրո, Ադրբեջան՝ 80 000 Եվրո, Վրաստան 64 000 Եվրո, Մոլդովա 80 000 Եվրո և Ուկրաինա 96 000 Եվրո:
Կարդացեք նաև
Պատրաստեց Հովհաննես ԻՇԽԱՆՅԱՆԸ
