ԱԺ ՀՀԿ խմբակցության պատգամավոր Ռուզան Մուրադյանը չի հասկանում այսօր Րաֆֆի Հովհաննիսյանի` ՍԴ դիմելու որոշման նպատակը:
«Ընտրությունների օրը ոչ մի բողոք չի եղել ոչ կենտրոնական ընտրական հանձնաժողով ոչ էլ` տեղամասեր…«Ժառանգության» 3700 ներկայացուցիչներից որեւէ մեկը չի եղել, որ չստորագրի ընտրական տեղամասերում կազմված արձանագրության տակ: Հատուկ կարծիք հայտնելու իրավունք ունեցող 15.700 մարդուց մենակ մեկն է հատուկ կարծիք հայտնել… չեմ հասկանում մինչեւ հիմա չի եղել որեւէ բան, որ սահմանադրական դատարան դիմեն, հիմա հանկարծ այդ ի՞նչ նոր փաստաթուղթ առաջացավ, եւ ո՞րն է դիմելու պատճառը, միգուցե դիմի՝ նոր հասկանանք»,- այսօր «Ազդակ» ակումբում ասաց պատգամավորը:
Հիշեցնենք, որ այսօր Րաֆֆի Հովհաննիսյանի ներկայացուցիչները Սահմանադրական դատարան կհանձնեն հայց, որով պահանջվում է վավերացնել և ամրագրել փետրվարի 18-ին տեղի ունեցած նախագահական ընտրությունների իրական արդյունքները, և չեղյալ ճանաչել ԿԸՀ-ի կողմից փետրվարի 25-ին հրապարակած կեղծ թվերը:
Պատգամավորի խոսքերով՝ Րաֆֆի Հովհաննիսյանը իշխանությունների հետ երկխոսության միջոցով պետք է ստեղծված իրավիճակից ելքեր գտնի. «Կողքից, որ նայում եմ, այն կարծիքին եմ, որ Րաֆֆի Հովհաննիսյանը ամսի 17-ին չէր էլ սպասում, որ նրան այդքան ձայն կտան: Հիմա նա լրջորեն պետք է մտածի` ի՞նչ անել այդ ընտրազանգվածի հետ: Այ տեսեք, նա շփոթվածության իրավիճակում չնկատեց էլ, որ իր կողքին` հարթակին կանգնած Ռուբեն Հախվերդյանը կարող էր այդքան լուրջ մարտահրավեր նետել մեր արտաքին քաղաքականությանը` Ղարաբաղի հարցի հետ կապված… հետո էլ էդ մարդու մասին նայում ենք ինտերնետում ողողված է ` ոչինչ դուք իրեն այդպես մի ընդունեք, հետո նա իր երգերով հակառակը կապացուցի, հետո՞»:
Կարդացեք նաև
Տիկին Մուրադյանը նաեւ ասաց, որ ցավում է «Ազատության» հրապարակ հանրահավաքի գնացող կանանց համար. «Հրապարակում կանգնած ցանկացած կնոջ համար ցավում եմ, որ այնտեղ այս ցրտին կանգնած են, հանուն ինչի՞, չես հասկանում…այսօր տեխնիկան շատ զարգացած է , նստեն իրենց տներում հանգիստ, նորմալ կայքերի միջոցով անեն, միտինգային ժամանակներն անցել են, այնպես, ինչպես բոլոր տեղերում մի քայլ առաջ է գնում քաղաքակրթությունը, պահանջները, այնպես էլ փողոցներում կանգնելը մի քիչ ճիշտ չէ մեր ժողովրդի համար, ուղղակի իրենք են մեղք, որ չտանջվեն»:
Արփինե ՍԻՄՈՆՅԱՆ
Երևի շատ վատ են ապրում դրա հանար, թե չէ կարծում եմ իրենք էլ են հասկանում, որ տաք տանը նստելը ավելի լավ է հրապարակում այս ցրտին կանգնելուց:
Կարծեմ մեկն ել Ֆրանսիական հեղափոխության ժամանակ է ասել-այդ հեղափոխականները հաց չունեն թող գաթա ուտեն: Թագուհիները բոլոր ժամանակներում նույն ձևով են մտածում:
Եվս մեկ անգամ համոզվեցի, որ կանայք կամ անվերջ են մտածում, կամ առհասարակ չեն մտածում;Առաջինը սխալ է, երկրորդն`անտանելի;Չի հասկանում, թե ցրտին կանայք ինչու* են դրսում;Կհասկանա, հերթը երբ իրեն հասնի և տաք խոսելու փոխարեն փորձի նաև մտածել;Քթից այն կողմ էլ նայել է պետք,տիկին պառլամենտուհի;
Հանրապետականի կին պատգամավորները հատուկ ջոկած են.
մեկը մեկից խելացի, տրամաբանող, մտածող, ժողովրդին մոտ կանգնած ու ժողովրդի ցավը հասկացող:
Երբ կինն է կնոջ նկատմամբ իր թաքնվավ ծաղրով վերաբերվում, որը իբր համարվում է ժողովրդի
ընտրյալը, ապա մնում է միայն խորը զզվանք և ուրիշ ոչինչ: