Ստյոպա Սաֆարյանը վստահեցնում է, որ կաշառքն ու սպառնալիքներն են պատճառը, որ որոշ ընտրատեղամասերում չեն կարողացել պահել Րաֆֆի Հովհաննիսյանի ձայները
Այսօր «Հայելի» ակումբում լրագրողները «Ժառանգություն» կուսակցության քարտուղար Ստյոպա Սաֆարյանից հետաքրքրվեցին, թե ինչո՞ւ են ընտրական հանձնաժողովի «Ժառանգության» անդամները ստորագրել այն արձանագրությունների տակ, որոնք դուք վիճարկում եք: Ստյոպա Սաֆարյանն էլ պատասխանեց. «Ունեցել եմ հանձնաժողովի անդամ, որը վերահսկել է մի սեղանը, երկրորդը ֆիզիկապես չի կարողացել: Անճշտություններ կան անգամ ընտրատեղամասի պաշտոնական տվյալներով: Հետագայում էլ պարզ է դարձել, որ անճշտություններ կան, բայց ուշադրություն չեն դարձրել դրա վրա: Եթե քո վստահված անձին գալիս եւ շրջափակում են թաղի հեղինակությունները եւ սպառնում են ընտանիքի անդամներին վնասել,
5 կամ 10 հազար դոլար են առաջարկում… Իմ բարեկամին առաջարկել են 5000 դոլար: Նա չի վաճառվել, եւ այդ տեղամասում խնդիր չունենք»:
Իսկ թե ինչու չեն դիմում իրավապահ մարմիններին, եթե կոնկրետ փաստ ունեն, որ այդքան կաշառք են առաջարկել, Ստյոպա Սաֆարյանը պատասխանեց, որ հարյուրավոր տեղամասեր են եղել, որտեղ խնդիր են ունեցել, եւ այդ տեղամասերը թողնել, զբաղվել մի տեղամասով, որտեղ խնդիր չեն ունեցել, ձայները պահել են՝ անիմաստ է, հատկապես՝ մեր իրավապահների պարագայում:
Կարդացեք նաև
Հռիփսիմե ՋԵԲԵՋՅԱՆ
Կեղծիքը այնքան խորն է նստած ժողովրդի մեջ, որ նույնիսկ դրանից այատվելու ելքը չեն տեսնում:
Արա դե տղա են էլի, հո զոռով չի… չեն ուզեցել “բռնել տան”… Ծիծաղից մեռանք