Նա պնդում է, որ փորձված թանից գարշահոտություն է գալիս
«Իշխանության մի ներկայացուցիչ վերջերս ասաց, թե փորձած թանն անփորձ մածունից լավ է: Դուք գիտեք ում մասին է խոսքը: Հարգելի իմ այդ քաղաքացին չի հասկանում, որ եթե այդ թանից գարշահոտություն է գալիս, բնականաբար, ես պիտի ուզեմ խմել անփորձ մածունը, մանավանդ, որ այդ մածունը տնական, նորմալ մածուն է»,- այսօր Ազատության հրապարակում ասաց Ռուբեն Հախվերդյանը՝ ավելացնելով, որ թող իրենք իրենց փորձած թանը խմեն մինչեւ իրենց կյանքի վերջը, որից գարշահոտություն է գալիս:
Նա նաեւ նշեց, որ մեր երկիրը կողոպտվում է, թուրքերն էլ են կողոպտել մեզ. «Հիմա ի՞նչ տարբերություն էն կողոպտիչների ու էս կողոպտիչների միջեւ, ես չեմ հասկանում»,- ասաց երգիչը եւ երգեց. «Բարի լույս, տիկին Արուս, քո լվացքը չորացել է, հայացքի մեջ քո անհույս արցունքներդ քարացել են, խոհանոցդ մաս-մաքուր, ամաններդ լվացված են, մեր համով-հոտով մորքուր, տված հացդ օրհնված է…»:
Իսկ երգելով իր հայտնի «Եզը» երգը՝ Ռուբեն Հախվերդյանը շեշտեց, որ «Մենք եզ չենք, բայց գիտենք, թե ովքեր են եզները»:
Կարդացեք նաև
Հռիփսիմե ՋԵԲԵՋՅԱՆ
