Ըստ Գուրգեն Եղիազարյանի՝ Րաֆֆի Հովհաննիսյանը ընդդիմություն չէ
ՍԴՀԿ համակարգող, ՀԱԿ անդամ Գուրգեն Եղիազարյանը «Առավոտ»-ի հետ զրույցում անդրադառնալով ներքաղաքական գործընթացներին՝ իրավիճակը նախ դիտարկեց Րաֆֆի Հովհաննիսյան-Սերժ Սարգսյան հանդիպման համատեքստում: Նա ուշադրություն հրավիրեց հետեւյալ հանգամանքին. «Սերժ Սարգսյանը առաջարկել էր Րաֆֆի Հովհաննիսյանին լինել ծայրահեղ ընդդիմադիր գործիչ, իսկ նա կտրականապես հրաժարվել է եւ իր կողմնակիցներին նախապես տեղյակ չէր էլ պահել, որ՝ գիտեք, նման բան էր առաջարկում ինձ նման ազնիվ մարդուն։ Այն բանից հետո, երբ խոսակցություններ գնացին, եւ ձայնագրությունների հարցը շահարկվեց՝ նա հաստատեց, որ եղել է նման խոսակցություն»,- նշեց նա: Գ. Եղիազարյանը կարծում է, որ Դաշնակցությունը, հավանական է, շատ արագ կողմնորոշվի: Իսկ ինչ վերաբերում է խորհրդարանում «Ժառանգության» եւ Դաշնակցության ներկայացուցիչների ներկայացրած երեք կետերին, որոնք քննարկվել են ԱԺ նախագահ Հովիկ Աբրահամյանի մոտ, ապա մեր զրուցակիցը նկատեց. «Իշխանությունից չեն խնդրում, իշխանությունը երբեք չի տա, պետք է պարտադրել իշխանությանը՝ իրենց քայլերով»:
Ինչպե՞ս պետք է ընդդիմությունը «պարտադրի»՝ հարցրինք Գուրգեն Եղիազարյանին: «Ես կարծում եմ, որ նա (նկատի ունի Րաֆֆի Հովհաննիսյանին) ընդդիմություն չէ, հակառակ դեպքում այսքան մարդու սպասումներ հողին չի հավասարեցնի։ Մարդիկ մեկ շաբաթ հետո հուսախաբված, հուսալքված են լինելու: Իսկ մենք ցանկանում ենք, որպեսզի Հայաստանում իշխանափոխություն լինի, որպեսզի ժամ առաջ դադարեցնենք արտագաղթը, որպեսզի մեր զավակները չլքեն իրենց հայրենիքը: Այս իրավիճակը երկու-երեք կոսմետիկ պահանջներով փոխել չի լինի: Ես խորհուրդ եմ տալիս ընդդիմադիր ջատագովներին՝ քիչ գովաբանեն Րաֆֆի Հովհաննիսյանին, մի քանի օր հետո խփելու են գլխներին, որ այդպես են վարվել»,- պատասխանեց նա:
Անդրադառնալով ընդդիմության վերահսկողական լծակների ավելացման կետին՝ Գ. Եղիազարյանը նշեց. «Ընդդիմության վերահսկողական լծակներ, որպես կանոն, ունենում են զարգացած, ժողովրդավարական երկրներում: Հայաստանի պես երկրում, որտեղ թեւածում է կատաղի բռնապետությունը, ընդդիմությունը չի կարող վերահսկողական ֆունկցիա իրականացնել, դա աբսուրդ է»:
Կարդացեք նաև
Ընդհանրապես, թե ինչպիսի ավարտ կունենա Րաֆֆի Հովհաննիսյանի հանրահավաքային ալիքը, Գ. Եղիազարյանը հիշեցրեց հայտնի ժողովրդական ասացվածքը՝ «Կատվի վազքը մինչեւ մարագն է»։ Մի քանի պաշտոն կտան, եւ այս ամեն ինչը կավարտվի: Ընդդիմադիր իմ հայրենակիցներին մի բան եմ խնդրում՝ հանկարծ հուսախաբ չլինեն այդ արարքից»:
ԷՄՄԱ ԳԱԲՐԻԵԼՅԱՆ
«Առավոտ» օրաթերթ
Լռվի տեղտ : Դու ինչ քաղաքական գործիչ էս որ միհատ էլ Րաֆֆի էս քննադատում: Իսկի քեզանով դեպուտատ էլ չես կարա դառնաս::::::::::: Ո՞նց են նմանների տեքստերը հրապարակում զարմանում էս:
Այ դեմագոգներ,օդ կրակողներ:Գուրգեն ես ինչ ես,դու չէիր պնդում առաջին օրը որ մի շաբաթից հրապարակում մարդ չի մնալու,հիմա ինչ էլի մի շաբաթ է ավելացավ?:Րաֆֆին իր ուժերի չափով անում է հնարավորինս:Ձեր նման աբիժնիկների տվածա “փափուկ աթոռին նստած վայրահաչողի դերը”:Էս սովետա-կոմունիստական նոմենկլատուրայի մնացորդների վերջը երբա գալու էս երկրում:Սերժիկից սկսած մինչև սրա նման ընդդիմություն նույն ճահիճնա:
Բոլշևիկ Գուգո, այս երգերդ ստիպված ես ամեն շաբաթ կրկնես, մինչև ձեր նմանների վերջը կգա:
Այս պարագայում մենք գործ ունենք մի մարդու հետ որը 2 ամիս շարունակ գովաբանել է գործող նախագահին և առիթը բաց չի թողել իրական ընդիմության առաջնորդներին փնովելու համար, սույն (Ռ.Հ.) պարբերաբար հանրությանը ապակողմնորոշում է որ իր կուսակցության անդամները կանգնել են ընդիմության և ոստիկանության միջև թույլ չտալով բախումներ, որը բացարձակ սուտ է, բացարապես մի դեպքի: