«Ամերիկայի ձայն» ռադիոկայան. Վենեսուելայի փոխնախագահի համաձայն, երկրի նախագահ Ուգո Չավեսը, շարունակելով քաղցկեղի բուժումը, պայքարում է իր կյանքի համար:
Փոխնախագահ Նիկոլաս Մադուրոն այս հայտարարությամբ հանդես է եկել Վենեսուելայի ազգային հեռուստատեսությամբ՝ երկրի բնակիչներին Չավեսի վիճակի մասին լուրեր ներկայացնելու համար:
Նախագահ Չավեսն ընդունվել է մայրաքաղաք Կարակասի հիվանդանոցների մեկը տասը օր առաջ՝ Կուբայում երկու ամիս բուժում անցնելուց հետո:
Վատառողջ լինելու պատճառով Չավեսը չի կարողացել մասնակցել նախագահական իր չորրորդ ժամկետի մեկնարկին նվիրված երդմնակալության արարողությանը:
Կարդացեք նաև
Ժպտացող Չավեսին, որի կողքին կանգնած են իր երկու դուստրերը, պատկերող լուսանկարը հրապարակվել է երկու շաբաթ առաջ: Այս լուսանկարը դարձել է անցյալ տարվա դեկտեմբեր ամսից Չավեսին պատկերող՝ հանրությանը ներկայացված միակ պատկերը:
Վենեսուելայի կառավարությունը շատ քիչ տեղեկություններ է տրամադրում Չավեսի հիվանդության կամ վիճակի մասին՝ ասելով միայն, որ նախագահը տառապում է կոնքի քաղցկեղից:
