Կապել-լե-Գրանդում ընթացող շախմատային փառատոնի ավարտից երկու տուր առաջ առնվազն երեք հայ շախմատիստներ հավակնում են մրցանակային տեղերի:
Ութերորդ տուրից հետո երեք շախմատիստներ 6-ական միավորով բաժանում են 1-3-րդ տեղերը: Եվս յոթը նրանցից ետ է մնում կես միավոր եւ իրապես հավակնում է հաղթողի կոչմանը: Նրանք են` Հայաստանի ներկայացուցիչներ Էլինա Դանիելյանն ու Կարեն Գրիգորյանը, ինչպես նաեւ ֆրանսահայ Տիգրան Ղարամյանը: Եթե նշված մեր երեք շախմատիստները պայքարում են մրցաշարային ամփոփիչ աղյուսակում առաջին հորիզոնականն զբաղեցնելու համար, ապա Հովհաննես Գաբուզյանն ու Դավիթ Հարությունյանը (Վրաստան) իրապես հավակնում են մրցանակային տեղերի:
Աշոտ ՀԱԿՈԲՅԱՆ
