Նախագահական ընտրություններից հետո սոցիոլոգ Ահարոն Ադիբեկյանը բացահայտել է նախագահի էպոսագետ թեկնածու Վարդան Սեդրակյանին:
«Եթե նա չլիներ մանկամիտ, նա կհասկանար, որ երկրում նախագահ չեն դառնում մի ճանապարհով, որն ինքն ընտրել էր»,- Aravot.am-ին ասաց պարոն Ադիբեկյանը:
Նրա խոսքերով. «Պարզվեց, որ նա ոչ թե էպոսագետ է, այլ քաջնազարագետ: Որովհետեւ մարդը, որն իր հույսը դնում է անհավանական իրավիճակների բարենպաստ զուգադիպության վրա, ինքը քաջնազար է: Եվ ոչ միայն ինքն էր քաջ նազարագետ, նույն Անդրիաս Ղուկասյանը, Արամ Հարությունյանը՝ ոչ պակաս: Ոչ մի խարիզմա չունենալով, կենսագրական ռեսուրս, ավանդ չունենալով՝ գալիս է դառնում է երկրի նախագահ միայն այն պատճառով, որ Սահմանադրությունն այդ իրավունքն ընձեռո՞ւմ է, հետո՞… Միայն էպոս կարդալով՝ էպոսագետ չես դառնում: Եթե նա գար ինձ մոտ քննություն հանձներ, ես կհարցնեի հնդկական էպոսից ինչ գիտի: Ես կասկածում եմ, որ նա մեր էպոսը մինչեւ վերջ կարդացե՞լ է, թե՞ ոչ: Դա արկածախնդրություն է:
Միակ բանը, որ հիմա էպոսագետին կարելի է խորհուրդ տալ՝ մի հատ հոգեթերապիետիկ սեանս թող անցնի, կարող եմ ես կազմակերպել, մեզ մոտ թեստավորում անցնի, որ հասկանանք, այդ ո՞ր մղումն է իրեն բերել այստեղ: Նրան հարկավոր է մի հատ դզել-փչել՝ մարդկային վարքագծի բերել»:
Կարդացեք նաև
Վարդան Սեդրակյանը հրաժարվեց մեկնաբանել սոցիոլոգի իր մասին հայտնած դիտարկումները:
Արփինե ՍԻՄՈՆՅԱՆ
Այս «անկախ», պալատական «սոցիոլոգը»:
պալատական թութակ, ինչպես կասեր համար մեկ Մարքսիստը
Ախր շա՜աատ խելացի եք է՜ պարոն սոցիոլոգ, ձեր թվախեղումներից իբրև քիչ էինք հուզվում, հիմա էլ Գալուստի պես սկսեցիք «հանճարեղ» մտքեր հրամցնել մեզ՝ անարժաններիս… կդիմանա՞նք արդյոք նման փայլատակումներին: Հուզվեցի, էլ չեմ կարող շարունակել…
Իսկ չե*ս մեկնաբանի ի*նչ ճանապարհով է մանկամիտը վերածվում պալատական…սոցիոլոգի;Մանկամտությունից մեծամտություն նույնն է թե Բաղրամյան 26-ից Ավանի հանճարաբուժարան;