Արմեն Աշոտյան. «Ես կարծում եմ, որ քավության նոխազ սարքել ինչ-որ ռեկտորի օգնականի, որն այդ պահին իր հոգեբանական վիճակից ելնելով, չի կարողացել ինքնատիրապետել իրեն, այդքան էլ ճիշտ չէ»
Կրթության եւ գիտության նախարար Արմեն Աշոտյանը, որին լրագրողները «բռնացրին» կառավարության նիստից հետո, անդրադառնալով ԵՊՀ ռեկտորի օգնական Գեւորգ Մելքոնյանի` «զորքն» առաջ բերելու հայտարարությանը, որը հնչեցվել էր դասադուլի ակցիայի ժամանակ, ասաց. «Ես կարծում եմ, որ քավության նոխազ սարքել ինչ-որ ռեկտորի օգնականի, որն այդ պահին իր հոգեբանական վիճակից ելնելով, չի կարողացել ինքնատիրապետել իրեն, այդքան էլ ճիշտ չէ»:
Հարցին՝ թե ի՞նչ է, Երեւանի պետական համալսարանում զորք կա՞, նախարարն ասաց. «Իսկ ԵՊՀ-ում ստրուկ կա՞: Ինձ հետաքրքրում է, որ զորք չլինի եւ ստրուկ չլինի: Չկա զորք, ստրուկ առավել եւս չկա: Դուք զորք տեսա՞ք այնտեղ: Զորքը բառ ա, որն օգտագործվել ա էդ պահին՝ հոգեհուզական վիճակից ելնելով, եւ սխալ ա օգտագործված»:
Պարոն Աշոտյանը կոչ արեց լինել հանդուրժող թե’ իրական կյանքում եւ թե’ վիրտուալ աշխարհում եւ միմյանց հասցեին վիրավորանքներ չասել:
Կարդացեք նաև
Լուսինե ԲՈՒԴԱՂՅԱՆ
քիչ չեն մի տեսակավորները, ում համար մածունը մի օր սպիտակ է, մի օր սև, մի օր էլ կանաչ…