Արտաշատցիները վստահեցնում են, որ իրենց քաղաքում ոստիկանները վախի մթնոլորտ են տարածում:
Ոստիկաներն այսպես անընդհատ պտտվում են տարածքում, ձեր կարծիքով ի՞նչ են ուզում դրանով ասել: Aravot.am-ի այս հարցին Արտաշատում Րաֆֆի Հովհաննիսյանի հավաքի մասնակիցներից մեկը այսպես պատասխանեց. «Ուզում են վախեցնել ժողովրդին, ուրիշ ոչ մի բան: Վախեցած են, դրա համար էլ մարդ չկա: Ո՞ւր է ժողովուրդը: Չէ՞ որ ժողովուրդը Րաֆֆիին է ընտրել: Վախենում են, քուրս, վախենում են, դրա համար էլ չկան»:
Մեր հարցին՝ ինչի՞ց են վախենում, աշտարակցին պատասխանեց. «Որ գործերից կազատեն. ամեն մեկն ունի մի աշխատանք»: Արտաշատցին վստահեցրեց, որ ընտրությունների արդյունքները կեղծվել են: Նրա խոսքերով՝ «Սերժ Սարգսյանը 5 տարի նստել է, ի՞նչ է արել՝ ոչ մի բան»:
Աշտարակցիներից մեկի գնահատմամբ՝ քաղաքացիների փոխարեն իրենք են քվեարկել եւ գցել Սերժ Սարգսյանի օգտին՝ ընտրությունները դարձնելով խեղկատակություն:
Կարդացեք նաև
Արտաշատցի մի մեծահասակ կին էլ ընկերուհու ուշադրությունը հրավիրեց ՀՀԿ-ի կարգախոսների վրա. «Ասում էին՝ հավատանք, որ փոխենք: Փոխեիք, նոր հավատանք»:
Նրանք հավաստիացնում էին, որ իշխանափոխությանը հավատում են, ընտրել են Րաֆֆի Հովհաննիսյանին եւ նա իդեալական նախագահ է լինելու. «64 տարեկան թոշակառու եմ, 19 հազար փող ա տվել Սերժ Սարգսյանը, բա ինչ եմ, որ դժգոհ չլինեմ: էդ թոշակով ո՞նց ապրեմ: Չեմ հավատում ապահով Հայաստանին»:
Հռիփսիմե ՋԵԲԵՋՅԱՆ
Ով մեր հողագործի -աշխատաւորին չը հասնի ԱՄՕԹ իրեն….թոշակները ըստ կեանքի(միջին) սղութեան եւ մի բան առաւել,հարկաւոր է բարձրացնել:ինչու ոչ հիսուն տոկոս աւելի…28000 –
Րաֆֆին պարտավոր է մաս կազմել նոր կառավարությանը, օգնել երկրի նախագահին մինչև խնդրի հստակեցումը, բայց պայմանով, որ ուժային կառույցները տան իր կուսակցությանը, միաժամանակ նա ժողոդրդի հետ պետք է շարունակի իր ակտիվ պայքարը հանուն արդարության… Քաղաքականությունը հնարավորությունների, խուսանավությունների համատեղման բարդ գորթընթաց է, որը նաև անհատից պահանջում է վեհության որոշակի աստիճան, որից զուրկ են շատ քաղաքական գործիչներ… Նա, ով քաղաքականությունը պոռնկություն է անվանել, նա չի զբաղվել քաղաքականությամբ և չի էլ գիտակցել ինչ է քաղաքականությունը… Ռաֆֆին պետք է զգույշ լինի, որ իր շուրջը կամաց-կամաց համախմբվող գայլերին ժամանակի ընթացքում կարողանա ցույց տալ իրենց տեղը և չդառնա նրանց պատանդը, ինչպես եղել է վերին քսան տարիների ընթացքում…