Տրապիզոնում գործ արած հայ մարմնավաճառահուները դատապարտվեցին 7-8 տարվա ազատազրկման:
Մոտ 8 ամիս անհարկի ձգձգվելուց հետո, այսօր Շիրակի մարզի ընդհանուր իրավասության դատարանը վերջապես ավարտեց Թուրքիայի Տրապիզոն քաղաքում մարմնավաճառությամբ ու կավատությամբ զբաղված Նարինեի ու Սուսաննայի դեմ հարուցված քրեական գործի քննությունը:
Դատավոր Էդուարդ Մանուկյանը վճռեց գյումրեցի մարմնավաճառուհի Նարինեին դատապարտել 7 տարվա, իսկ Տրապիզոնում բնակվող 65-ամյա երևանցի Սուսաննային` 8 տարվա ազատազրկման: Հիշեցնենք, որ այս երկու տիկնայք մեղադրվում էին 31-ամյա գյումրեցի մատուցողուհի Հրանուշին Թուրքիայի Տրապիզոն քաղաքում թրաֆիքինգի զոհ դարձնելու մեջ: Եվ եթե գյումրեցի մարմնավաճառուհի Նարինեն մեղադրվում էր Հրանուշին իր հետ Թուրքիա հասցնելու ու գործի մեջ ներքաշելու մեջ, ապա Սուսաննան, ով հայտնի է Դոկտոր մականվամբ, մեղադրվում էր այսպես ասած զոհին թանկ գներով ու նիսյայով շորեր վաճառելու, նրան իրենից կախվածության մեջ դնելու , հետևաբար և մարմնավաճռության մղելու մեջ:
Չնայած վերջին խոսքում տիկնայք չէին ընդունում իրենց մեղքը` պնդելով, որ Հրանուշը ամենևին էլ զոհ չէր, նա Թուրքիայում լավ էլ փող է աշխատել, ուներ բավարար ֆինանսական միջոցներ Գյումրի վերադառնալու համար, անձնագիրն էլ իր մոտ էր, սակայն սա չփրկեց տիկնանց: Նրանք դատապարտվեցին ազատազրկման, Դոկտորն էլ հուզվեց. « Ինչո ՞ւ 8 տարի, ես ի ՞նչ եմ արել, 65 տարեկան կին եմ, գաղութից ուղիղ գերեզմանո ՞ց եք ուղարկում» :
Կարդացեք նաև
Նունե ԱՐԵՎՇԱՏՅԱՆ
