Այսօր Երեւանի Գ. Գյուլբենկյանի անվան թիվ 190 դպրոցում կայացավ Ղարաբաղյան շարժման 25-ամյակին նվիրված միջոցառում: Միջոցառմանը մասնակցում էին ՀՀ կրթության եւ գիտության նախարար Արմեն Աշոտյանը, ինչպես նաեւ Մալաթիա-Սեբաստիա վարչական համայնքի ղեկավար Դավիթ Օհանյանը: Ցերեկույթը պատմում էր ԼՂՀ որոշ տարածքների ազատագրման եւ հերոսների սխրանքների մասին: Չէր կարելի չնկատել, որ աշակերտները եւ ուսուցիչները ջանք չէին խնայել հավուր պատշաճի ներկայանալու համար:
Տպրոցի տնօրեն Կարինե Զատիկյանն իր ողջույնի խոսքում շնորհակալություն հայտնեց նախարարին՝ միջոցառմանը ներկա գտնվելու համար եւ ապա հավելեց.«Մենք ջանք ու եռանդ չենք խնայում, որպեսզի մեր դպրոցում ուսուցումը ընթանա առանց որևէ խնդրի ու խոչընդոտի»:
«Այսպիսի միջոցառումները լինելու են շարունակական եւ կազմակերպվելու են Հայաստանի տարբեր դպրոցմներում: Ես տպավորված եմ երեխաների ելույթներով, եւ ԿԳ նախարարությունը ձեզ խոստանում է, որ տասը լավագույն աշակերտների, ովքեր մասնակցեցին այս միջոցառմանը, ուղեգրեր կտրամադրի Արցախում շրջագայելու համար»,-խոստացավ ԿԳ նախարարը:
Aravot.am-ի հետ զրույցում նախարարը անկեղծացավ. «Երեխաներին Արցախ տանելու գաղափարը հենց դահիլիճում ծնվեց; Նախարարությունը կրակն է ընկել իմ խոստումներից, բայց հուսով եմ, որ միջոցներ կլինեն այս խոստումս եւս իրականացնելու համար»:
Կարդացեք նաև
Սեւակ ՎԱՐԴՈՒՄՅԱՆ
