«Թեղուտ»-ը ապրանքներ ներմուծելիս երեք տարով կազատվի ԱԱՀ-ից
Թեղուտի հանքավայրը շահագործող «Թեղուտ» ընկերությունը, այս տարվա մարտի 1-ից մինչեւ 2015 թվականն ընկած ժամանակահատվածում, 300 միլիոն դրամը գերազանցող արժեքով ապրանքների ներմուծման ժամանակ ավելացված արժեքի հարկը կմուծի 3 տարվա ընթացքում` մինչեւ 2016 թվականը: Որոշման նախագծի տեսքով ՀՀ կառավարությանն այսպիսի առաջարկ է արել էկոնոմիկայի նախարար Տիգրան Դավթյանը:
Կառավարության կայք էջի փոխանցմամբ, արտոնությունն ամրագրված է «Ավելացված արժեքի հարկի մասին» ՀՀ օրենքում եւ «Թեղուտ» ընկերության ներդրումային ծրագրի շրջանակներում է:
Կարդացեք նաև
Որոշման նախագծում նշված են ապրանքների նախնական արժեքները: Ըստ այդ ցանկի, ընկերությունը մեր երկիր է ներմուծելու տրանսֆորմատորային ենթակայան, հաղորդաձողային ապարատների բլոկ, հաղորդաձող, ընդունման բլոկ, անջատիչի բլոկ եւ հարյուրավոր այլ սարքավորումներ, որոնց ընդհանուր արժեքը, «Թեղուտ» ընկերության հաշվարկներով կկազմի 2 միլարդ 661,309,127 դրամ:
Լուսինե ԲՈՒԴԱՂՅԱՆ
