Չնայած «Մերսեդես-Բենց E 280»-ը արդարադատության նախարարության հաշվեկշռում է, բայց արդեն 4-5 տարի է՝ ծառայում է հիմնադրամի կարիքներին:
Արդարադատության նախարար Հրայր Թովմասյանը կառավարությանն է ներկայացրել մի որոշման նախագիծ, որով առաջարկում է արդարադատության նախարարության քրեակատարողական վարչության հաշվեկշռում գտնվող 6 միլիոն 120 հազար դրամ արժողությամբ «Մերսեդես-Բենց E 280» մակնիշի ավտոմեքենան հանել նախարարության հաշվեկշռից եւ տրամադրել «Աջակցություն դատապարտյալին» հիմնադրամին:
Ինչպես տեղեկանում ենք կառավարության նիստի օրակարգից, վաղվա նիստում կքննարկվի նաեւ այս հարցը: Ըստ Պարոն Թոմասյանի, չնայած «Մերսեդես-Բենց E 280»-ը նախարարության հաշվեկշռում է, բայց արդեն 4-5 տարի է՝ ծառայում է հիմնադրամի կարիքներին. «Նկատի ունենալով, որ այդ ավտոմեքենան ծառայում է հենց «Աջակցություն դատապարտյալին» հիմնադրամի կարիքների համար, հետեւաբար առավել նպատակահարմար կլինի, եթե «Մերսեդես-Բենց E 280» մակնիշի ավտոմեքենան գտնվի «Աջակցություն դատապարտյալին» հիմնադրամի հաշվեկշռում»,-հիմնավորել է պարոն նախարարը:
Կառավարությունը չի առարկել. ավտոմեքենան հետ կվերցնի եւ որպես գույքային ներդրում կհանձնի հիմնադրամին:
Նշենք, որ «Աջակցություն դատապարտյալին» հիմնադրամը ստեղծվել է ՀՀ կառավարության 2001թ.-ին:
Կարդացեք նաև
Լուսինե ԲՈՒԴԱՂՅԱՆ
