«Իրականության հետ պետք է հաշվի նստել: Եթե իրենք թույլ են տալիս իրենց համարել ընտրված նախագահ`ամեն իչ ասում է: Դա ասում է իրենց զարմանքի մասին, իրենց քաղաքական ոչ ճիշտ պահվածքի մասին: Այսքան երկրի առաջնորդներ շնորհավորել են Սերժ Սարգսյանին`փոխարեն ողջունեն, ժողովրդի մոտ մշակույթ ձեւավորեն, արդար ընտրություններ պետք է անցկացվի, փորձում են միշտ խանգարել, սեւացնել, ինչ-որ տեղ մեր առաջընթացին խաթարել»,- այսօր «Ժառանգության» առաջնորդ Րաֆֆի Հովհաննիսյանին քննադատեց ԱԺ նախագահ Հովիկ Աբրահամյանը:
Նա գտնում է, որ Հովհաննիսյանը ճիշտ կանի, որ շնորհավորի Սերժ Սարգսյանին. «Նստի Սերժ Սարգսյանի հետ այդ 539 հազար ընտրողների կողմից առաջարկեր ներկայացնի ողջամիտ: Նույնիսկ պարտադրի, հիմնավորի, ապացուցի, հորդորի, որ լուրջ ռեֆորմներ, լուրջ կադրային քաղաքականություն իրականացնենք: Եթե մտածում ենք մեր երկրի առաջընթացի մասին`ճիշտ ճանապարհը դա է: Կոչ եմ անում նրան այդ ճանապարհն ընտրել»:
Աբրահամյանը Հովհաննիսյանին նաեւ կոչ արեց`մնալ օրենքի դաշտում: «Ազատություն» ռադիոկայանի թղթակցի դիտարկմանը, թե երկխոսության փորձ եղել է և Րաֆֆի Հովհաննիսյանի առաջարկները չեն ընդունվել, այդ դեպքում ի՞նչ առաջարկությունների մասին է խոսքը, Աբրահամյանը արձագանքեց, որ խոսքը «ողջամիտ առաջարկների» մասին է: «Եթե Րաֆֆի Հովհաննիսյանը գնա ու ասի` եկեք գնանք երկրորդ փուլ, եթե ասում է արի լուծարենք խորհրդարանը, ո՞նց գնան էդ քայլին: Օրինակ, ողջամիտ կարող է համարվել առաջարկը, որ «Ժառանգության» որևէ անդամ կարող է կառավարել որևէ ոլորտ ու մաս կազմել կառավարությանը», – հստակեցրեց ԱԺ նախագահը:
Մեկ այլ հարցի էլ, մասնավորապես, վերահսկողական պաշտոններ զբաղեցնելու առաջարկը Աբրահամյանը ողջամիտ համարո՞ւմ է, նա պատասխանեց, որ ողջամիտ կլինի, ասաց. «Եթե առաջարկեն, կարելի է քննարկել»:
Կարդացեք նաև
Հովիկ Աբրահամյանը պատասխանելով լրագրողներից մեկի հարցին՝ հաստատեց, որ նախօրեին հանդիպում է ունեցել Երեւանի նախկին քաղաքապետ Կարեն Կարապետյանի հետ, բայց զրույցի մանրամասները չհրապարակեց`ասելով, որ որեւէ քաղաքական հարց չի քննարկվել:
Բացառեց նաեւ մամուլում այսօր եղած այն լուրերը, որ Խաչատուր Սուքիասյանը լինելու է ՀՀԿ-ի եւ «Ժառանգության» կոմպրոմիսային տարբերակը` Երեւանի քաղաքապետի պաշտոնում:
Նելլի ԳՐԻԳՈՐՅԱՆ
